’Ua ani mātou i te mau tamari’i mea nāhea tō rātou fa’aineinera’a nō te haere i te hiero ’e te mea e tīa’i mai ra. Teie te mea tā rātou i parau !
Hōho’a
Portrait of Alivia Woodbury.
« Tē tuatāpapa ra vau i te mau uira’a nō te uiuira’a o te hiero, nō te vai ineine nō te haere i te hiero. ’Ua hina’aro vau i te hō’ē ’itera’a pāpū pūai ».
Alivia W., 9 matahiti, Utaha, Marite
Hōho’a
Picture of Luke Freeman.
« ’Ua hia’ai roa vau e haere i te hiero i te hō’ē mahana nō te rave i te mau bāpetizora’a. ’Ua ha’api’i rahi mai au nō ni’a i te hiero nā roto i te tuatāpapara’a i te mau pāpa’ira’a mo’a. E hia’ai rahi tō’u, nō te mea, noa atu tei roto noa vau i te ’āua o te hiero, e nehenehe au e fāri’i pūai i te Vārua. ’Ua pāpū ’iā’u e mea pūai roa atu te Vārua i roto ».
Luke F., 10 matahiti, Idaho, Marite
Hōho’a
Picture of Mark Yeromin sitting on the couch holding a kitten.
« E nehenehe ’outou e fa’a’ineine nō te hiero, ma’a vāhi iti i te mahana tāta’itahi. E ha’apa’o vau i te mau fa’auera’a. E tai’o vau i te mau pāpa’ira’a mo’a ’e tō’u taea’e, ’e tō’u māmā, i te mau po’ipo’i ato’a hou te ha’api’ira’a. Tē tāmata nei au ’ia riro ’ei hi’ora’a maita’i nō tō’u mau hoa. Tē tāmata nei au ’ia mā’iti i te maita’i mai tā te hīmene e parau nei ‘Mā’iti i te maita’i’ (Te mau hīmene, n°144). Tē hīmene nei mātou i te reira i te po’ipo’i, ’ia vai te ’ana’anatae ! »
Mark Y., 10 matahiti, Poltava, ’Ūterenia
Hōho’a
Picture of Daniel Denshchykov.
« Tē pure nei au i te mau mahana ato’a ’e tē uiui nei au i tō’u nā metua nō ni’a i te mau ’ōro’a o te hiero. Tē fa’aineine ato’a nei au nō tā’u uiuira’a ’e te ’episekōpo. ’Ua hia’ai roa vau e haere i te hiero. »
Daniel D., 11 matahiti, Kyiv, ’Ūterenia
Hōho’a
Picture of Antonella Igor.
« ’Ua au roa vau i tō’u haerera’a mātāmua i te hiero. Hou ra tō’u taime nō te bāpetizora’a, ’ua tāvini au ’ei ’ite. E hi’o vau i te ta’ata ’ia bāpetizohia nō te ha’apāpū ē ’ua mo’e roa rātou i roto i te pape. I te taime ’a bāpetizohia ai au, e mea māhanahana te pape. ’Ua fāri’i au i te hau ’e te ’oa’oa. ’Ua here au i te hiero ’e ’ua au roa i te tauturura’a i roto i teie ’ohipa fa’ahiahia ».
Antonella A., 12 matahiti, British Columbia, Tanata