« Fa’atumu i ni’a i te hiero », Hoa, Novema 2022, 2–3.
E poro’i nā te peropheta i te ’āmuira’a
Fa’atumu i ni’a i te hiero
Tīpe’ehia mai roto mai i te « Fa’atumu i ni’a i te hiero », Liahona, Novema 2022.
Fa’ahōho’ara’a nō te hiero nā Bailey Rees ; ’api pēnira’a nā Bryan Beach
’Aita i maoro a’enei, ’ua māta’ita’i māua te tuahine Nelson i te mau video ’āpī nō te Buka a Moromona. ’Ua fa’a’ite te hō’ē i te fāra’a te Fa’aora i te mau ’āti Nephi. ’Ua nā ’ō ’oia : « Inaha, ’o vau nei ’o Iesu Mesia […] ’O vau nei te māramarama ’e te ora o teie nei ao » (3 Nephi 11:10–11).
E mea faufa’a roa ’ia ’ite ē, ’ua fā mai te Fa’aora i te mau ta’ata i te hiero. Nōna teie fare. ’Ua ’ī te reira i tōna mana.
Tē fa’a’oi’oi nei te Fatu i te terera’a o te patura’a i te mau hiero. ’Ia rahi atu ā te ta’ata e haere i reira. Tē parau fafau nei au ē, e ha’amaita’i te haere-pinepine-ra’a i te hiero i te ta’ata mai tei ’ore e noa’a i te tahi atu mea.
I roto i te ’āmuira’a, ’ua fa’aara atu vau e 18 fa’ahou ā hiero. I roto i te tahi mau ’oire rarahi roa, e mea huru pau te hora ’ia haere i te hiero i tō rātou ’oire. Nō reira, e patu tātou e rave rahi hiero i roto i te tahi o teie mau ’oire rarahi. E maha o te mau hiero ’āpī e patuhia i pīha’i iho ia Mexico City.
E au mau taea’e, e au mau tuahine here, e mata na ’outou i te tūtonu i ni’a i te hiero mai tei ’ore i nā-reira-hia a’enei. Tē ha’amaita’i nei au ia ’outou ’ia ha’afātata atu ā i te Atua ’e ia Iesu Mesia i te mau mahana ato’a. ’Ua here au ia ’outou. ’Ei te Atua ’outou i teienei ē fārerei noa atu fa’ahou tātou.
’Ua haere Iesu i te mau ’āti Nephi ra
’Ua fā mai te Fa’aora i te mau ’āti Nephi i te hiero nō te mea nōna terā fare. Tē ha’amaita’i nei te Atua ia tātou i te mau hiero e rave rahi atu ā nō te ha’apūai ’e nō te pāruru ia tātou.