Tauturu mai tā Iesu i nā reira

’Ua parau Iesu ’ia aroha atu i tō tātou ta’ata tupu

I te hō’ē mahana, ’ua ui te hō’ē ta’ata ia Iesu Mesia e aha te fa’auera’a rahi roa a’e. ’Ua parau Iesu, te ture rahi mātāmua ’o te arohara’a ïa i te Atua. I muri iho, ’ua parau ’oia ē, te piti « e aroha atu ’oe i tō ta’ata tupu mai tō aroha ia ’oe iho » (Mareko 12:31). Tōna aura’a, e aroha tātou ia vetahi ’ē ’e e fa’ariro ia rātou mai tā tātou e hina’aro ’ia fa’arirohia tātou.

E nehenehe ’outou e tai’o i teie ’ā’amu i roto te Mareko 12:28–31.

E nehenehe au e here i tō’u ta’ata tupu

• ’A feruri i te hō’ē rāve’a nō te tauturu i te hō’ē ta’ata tupu.

• ’A pure ’e ’a rave i te hō’ē fa’anahora’a nō te tauturu ia rātou.

• ’A rave i tā ’oe fa’anahora’a !

• ’A tāpūpū i teie tāreta nō te fa’aha’amana’o ia ’oe e tāmau noa i te tauturu i te ta’ata mai ia Iesu.

’Ua tauturu teie pupu tamari’i nō te Paraimere nō Mississipi, i te Fenua Marite i te tāmāra’a i te fare o tō rātou ta’ata tupu, i muri a’e i te hō’ē mata’i rorofa’i.

Tē nāhea ra ’oe i te tāmata i te tauturu ia vetahi ’ē, mai tā Iesu i rave ? ’A pāpa’i ’e ’a fa’a’ite mai ia mātou.