« Fa’ata’ara’a nō te ’āmuira’a », Hoa, Novema 2022, 5.
Fa’ata’ara’a nō te ’āmuira’a
E nehenehe te mau ta’ata ato’a e tāvini
’Ua fa’ati’a mai te peresideni Oaks i te ’ā’amu o te hō’ē ta’ata, ’o Gabriel tāne, tei tauturu e rave rahi tauatini tamari’i tītīhoria. E « toru fare ha’api’ira’a » tāna i ha’amau i reira te mau tamari’i i putuputu nō te mau ha’api’ira’a i raro a’e i te marumaru o te mau tumu rā’au. I ’ite ’oia i te hina’aro e vai ra, ’e ’ua tauturu atu ! Tē fa’auru nei te Atua e rave rahi te ta’ata mai ia Gabriel tāne nō te rave i te maita’i.
Tē ha’api’i mai nei te reira ē :
Fa’a’ite i te ta’ata i te Buka a Moromona
’Ua fa’ati’a Elder Rasband ’ua nāhea na te peropheta i hōro’a i te hō’ē Buka a Moromona i te ari’i nō Kana. ’Ua tai’o ’āmui te peresideni Nelson ’e te ari’i i te parau nō Iesu Mesia i roto i te 3 Nephi 11. I parau ai te ari’i ē, e mea faufa’a a’e teie buka i te mau taimani ’e te mau poe, nō te mea tē ha’api’i rahi atu ā ra te reira iāna nō ni’a ia Iesu.
Tē ha’api’i mai nei te reira ē :
’O Iesu te pāhonora’a
’Ua paraparau Elder Olsen nō ni’a i tāna tamaiti fēti’i ra ’o Nash. Tē rave ’āmui ra rāua i te ’ohipa ’a parau mai ai Nash i te hō’ē mana’o fa’ahiahia nō te fa’a’āfaro i te fifi. Ani atu ra Elder Olsen ia Nash ē nō hea mai tōna māramarama. Pāhono mai nei Nash ē : « ’O Iesu. » ’O Iesu Mesia te pāhonora’a i tō tātou mau fifi ato’a.
Tē ha’api’i mai nei te reira ē :
E tīti’a mata nō te hi’o
’Ua parau te tuahine Browning ē, tītauhia tōna tīti’a mata ’ia ’ite tōna mata. I te mau po’ipo’i ato’a, te ’ohipa mātāmua tāna e rave, ’o te ravera’a ïa i tōna tīti’a mata ho’i. ’Ua parau ’oia ē, tītauhia Iesu Mesia nōna i te mau mahana ato’a mai tōna tīti’a mata. ’Ua parau fafau mai te Fa’aora ē e fa’atere ’oia ’e e arata’i ho’i ’oia ia tātou i te taime e fa’ata’a tātou i te taime nōna.
Tē ha’api’i mai nei te reira ē :