Parau ’āpī nō te ’āmuira’a

Fa’ahitira’a nō te ’āmuira’a

« ’Ua ’ite te Fa’aora i te hu’ahu’ara’a o tā ’outou mau ’arora’a. ’Ua ’ite ’oia i tō ’outou pūai rahi nō te tupu. »

Peresideni Henry B. Eyring, tauturu piti i roto i te Peresidenira’a Mātāmua

« ’Ia rave ana’e ’outou i te mau mā’itira’a faufa’a mau, ’o Iesu Mesia ’e tāna ’evanelia tei fa’aho’ihia mai, te mā’itira’a maita’i roa a’e. »

Elder Dieter F. Uchtdorf nō te pupu nō te Tino ’Ahuru Ma Piti ’āpōsetolo

« E tamari’i nā te Atua te ta’ata tāta’itahi i ni’a i teie fenua ’e tē here nei ’oia ia rātou tāta’itahi. »

Tuahine J. Anette Dennis, tauturu mātāmua i roto i te peresidenira’a rahi nō te Sōtaiete Tauturu

Te mau hiero ’āti a’e te ao nei

E mau hiero i ni’a e 6 ra’ituāta’a ’e i roto e 74 fenua !

• 168 tē tere ra

• +53 tē patuhia ra

• +5 tē fa’a’āpīhia ra

• +74 tei fa’aarahia

• =______ hiero

Tauturu i te mā’itira’a

E buka iti ’āpī nā te feiā ’āpī ! ’Oia ho’i te Nō te pūai o te feiā ’āpī : E arata’i nō te rave i te mau mā’itira’a. E aha te mea e tauturu ia ’outou ’ia rave i te mau mā’itira’a maita’i ?

Tāvini nā muri i te ta’ata

I te matahiti 2021, ’ua hōro’a te ’Ēkālesia i e 906 mirioni tara marite i te feiā tei hina’aro i te tauturu ’e e 6 mirioni hora nō te tauturura’a i te mau ta’ata i roto 188 fenua ta’a ’ē. Pinepine te ’Ēkālesia i te ’ohipa nā muri i te ta’ata nō te tauturu i te ta’ata e rave rahi !

Pupu hīmene nō te ’āmuira’a

Hōho’a nā Cristy Powell

’Ua hīmene te mau tamari’i ’e te feiā ’āpī nō Utah, Marite, i roto i te hō’ē pupu hīmene. E pupu hīmene ato’a tei roto te mau misiōnare e ha’api’ipi’ihia ra ’e te mau misiōnare piha ’ohipa. E hia hīmene Paraimere tā te mau pupu hīmene i hīmene i roto i te ’āmuira’a ?

Pāhonoraa : 300 hiero ; 3 hīmene Paraimere (« Mā’itihia e te Atua », « Je sais que mon Sauveur m’aime », ’e « Mon Père céleste m’aime »)