Naʻa mau ʻeke ki he fānaú ʻa e founga ʻenau teuteu ke ʻalu ki he temipalé mo e meʻa ke ʻamanaki ki aí. Ko e meʻa ʻeni naʻa nau talamaí!
ʻĪmisi
Portrait of Alivia Woodbury.
“ʻOku ou ako ʻa e ngaahi fehuʻi ʻi he ʻinitaviu temipalé ke u mateuteu ke ʻalu ki he temipalé. ʻOku ou fiemaʻu ha fakamoʻoni mālohi.”
ʻAlevia W., taʻu 9, ʻIutā, USA
ʻĪmisi
Picture of Luke Freeman.
“ʻOku ou fiefia ke ʻalu ki he temipalé ʻi ha ʻaho ke fakahoko ʻa e papitaisó. Naʻá ku ako lahi fekauʻaki mo e temipalé ʻi hono ako e folofolá. ʻOku ou fiefia koeʻuhí naʻa mo e taimi ʻoku ou ʻi he kelekele ai ʻo e temipalé, ʻoku ou kei lava pē ʻo ongoʻi mālohi ʻa e Laumālié. ʻOku ou ʻilo fakapapau ʻoku toe mālohi ange ʻa e Laumālié ʻi loto.”
Luke F., taʻu 10, ʻAitahō, ʻIunaiti Siteiti ʻo ʻAmeliká
ʻĪmisi
Picture of Mark Yeromin sitting on the couch holding a kitten.
“Te ke lava ʻo teuteu ki he temipalé ʻi ha kiʻi founga siʻisiʻi ʻi he ʻaho kotoa pē. ʻOku ou tauhi e ngaahi fekaú. ʻOku ou lau folofola mo hoku tuongaʻané mo ʻeku faʻeé ʻi he pongipongi kotoa pē kimuʻa ʻi he akó. ʻOku ou feinga ke hoko ko ha faʻifaʻitakiʻanga ki he ngaahi kaungāmeʻá. ʻOku ou feinga ke fili ʻa e totonú ʻo hangē ko ia ʻoku hā ʻi he himi ʻFaitotonu Neongo ʻa e Lumaʻ (Ngaahi Himí, fika 145). ʻOku mau hivaʻi ia ʻi he pongipongí ke maʻu ʻa e ongo totonú!”
Maʻake Y., taʻu 10, Polotava, ʻIukuleini
ʻĪmisi
Picture of Daniel Denshchykov.
“ʻOku ou lotu ʻi he ʻaho kotoa pē mo fehuʻi ki heʻeku ongomātuʻá fekauʻaki mo e ngaahi ouau ʻo e temipalé. ʻOku ou teuteu foki ki heʻeku ʻinitaviu mo e pīsopé. ʻOku ou fiefia ʻaupito ke ʻalu ki he temipalé.”
Taniela D., taʻu 11, Kievi, ʻIukuleini
ʻĪmisi
Picture of Antonella Igor.
“Naʻá ku saiʻia ʻi heʻeku fuofua ʻalu ki he temipalé. Kimuʻa pea hoko hoku taimi ke papitaisó, naʻá ku hoko ko ha fakamoʻoni. Naʻá ku mamata ki hano papitaiso ha taha kehe pea fakapapauʻi naʻá ne puli fakaʻaufuli hifo ʻi he vaí. ʻI he aʻu ki hoku taimi ke papitaisó, naʻe māfana ʻa e vaí. Naʻá ku ongoʻi ha nonga mo e fiefia. ʻOku ou saiʻia ʻi he temipalé mo saiʻia ke tokoni ʻi he ngāue maʻongoʻongá ni.”
ʻAnitonela A., taʻu 12, Pilītisi Kolomupia, Kānata