Dali, Sunod Kanako nga mga Kalihokan
Alang sa home evening, pagtuon sa kasulatan, o kalingawan lamang!
Pagpangita kang Jesus
Alang sa Nahum; Habacuc; ug Sofonias
Istorya: Si propeta Sofonias mitudlo, “Pangitaa ninyo ang Ginoo” (Sofonias 2:3). Kita makapangita ni Jesukristo sama sa mga Maalamon nga mga Tawo kinsa misunod sa bitoon. Kita makat-on mahitungod Kaniya ug makaserbisyo sa uban. Makatabang usab kita sa uban sa pagpangita ni Jesus!
Awit: “Sayo kong Mangita sa Ginoo” (Songbook sa mga Bata, 67)
Kalihokan: Basaha ang istorya sa pahina 4. Dayon adto sa pahina 38 ug pagkat-on kon unsaon sa paghimo og origami nga bitoon. Samtang magpilo kamo sa inyong bitoon, hisgoti kon unsaon ninyo nga makatabang sa uban sa pagpangita ni Jesus.
Mga Bato sa Paghinulsol
Alang sa Hageo; Zacarias 1–3; 7–14
Istorya: Sa usa ka panan-awon, si Zacarias nakakita og tawo nga nagsul-ob og hugaw nga mga sinina. Usa ka anghel miduol sa tawo ug mihatag kaniya og limpyo nga mga sinina. (Tan-awa sa Zacarias 3:3–5.) Ang pagsul-ob og limpyo nga mga sinina makapahinumdom nato sa paghinulsol. Kon kita mohimo og sayop nga pagpili, kita makahinulsol ug malimpyo pag-usab.
Awit: “Maninguha Kong Mahimong Mahisama Kang Jesus” (Songbook sa mga Bata, 40)
Kalihokan: Hisgoti kon sa unsa nga paagi nga ang paghinulsol makapagaan sa inyong gisagubang. Dayon buhata ang kalihokan sa pahina 12. Unsa ang imong bation kon ikaw maghinulsol?
Mga Panalangin sa Ikapulo
Alang sa Malaquias
Istorya: Ang Langitnong Amahan misaad nga kon kita mobayad sa ikapulo, Iyang “ablihan… ang mga bintana sa langit” aron sa pagpanalangin kanato (Malaquias 3:10).
Awit: “Mohatag G’yud Ko og Tithing” (Liahona, Okt. 2006, H13)
Kalihokan: Basaha ang istorya sa pahina 22 kon nganong mobayad kita og ikapulo. Dayon buhata ang kalihokan sa pahina 17 og dungan.
Pagsaulog sa Manluluwas
Alang sa Pasko
Istorya: Si Jesus gitawag og daghang ngalan diha sa mga kasulatan. Mabasa ninyo kini nga mga ngalan diha sa pahina 8 ug pahina 26.
Awit: “Didto sa Pasongan” (Songbook sa mga Bata, 26)
Kalihokan: Buhata ang programa sa Pasko sa pahina 24 aron makat-on kon sa unsa nga paagi nga ang mga simbolo sa Pasko makapahinumdom nato ni Jesukristo. Adto sa pahina 38 alang sa dugang nga mga ideya sa pagsaulog kang Jesus.
Mga paghulagway pinaagi ni Katy Dockrill