Makalingaw nga Buhaton

Pagaani ang Inyong Gipas-an

Page from the December 2022 Friend Magazine.

Ang sala mahitabo kon kita mopili nga dili mosunod sa mga sugo sa Dios. Kini mabatyagan nga sama sa bug-at nga gipas-an. Kon kita maghinulsol ug mosunod ni Jesukristo,Siya mokuha sa kabug-at sa atong sala.

1. Pangita og bag o backpack ug pipila ka bug-at nga butang, sama sa mga bato o mga lata sa pagkaon.

2. Guntinga ang mga label sa ubos. Ipapilit ang matag usa ngadto sa lata o sa bato.

3. Basaha ang matag label, dayon isulod ang lata o bato ngadto sa bag. Ipasa ang bag sa palibot aron ang tanan makabatyag sa gibug-aton niini.

4. Puli-puli sa pagkuha og usa ka butang gikan sa bag. Kon turno na nimo, isulti unsa ang buhaton sa usa ka tawo sa paghinulsol o pagsunod ni Jesus. (Mahimo kang motan-aw sa lista sa ubos alang sa pipila ka ideya!)

5. Kon ang bag wala nay sulod, ipasa kini pag-usab aron ang tanan makabatyag kon unsa kini ka gaan. Unsa ang imong bation kon ikaw maghinulsol?

Kon ikaw maghinulsol, ikaw:

• Makasabot nga ikaw nakahimo og sayop nga pagpili.

• Mosulbad sa problema kutob sa imong mahimo (patabang sa usa ka ginikanan kon kinahanglan nimo).

• Mangayo og pasaylo.

• Mag-ampo ug mohangyo sa Langitnong Amahan sa pagpasaylo kanimo.

• Maningkamot nga dili na kini usbon. Mangayo og tabang sa Langitnong Amahan!

Paghulagway pinaagi ni Brooke Smart