Matinabangong mga Kamot sa tibuok Kalibotan

Himamata si Jun Eui gikan sa Hong Kong

Himamata ang kabataan sa Primary nga nagtabang sa uban, sama sa gibuhat ni Jesus.

Ang tanan mahitungod ni Jun Eui

Edad: 11

Gikan sa: Hong Kong, China

Mga Pinulongan: Iningles, Cantonese, Mandarin, Korean

Mga tumong ug mga damgo: Aron mahimong usa ka piloto

Pamilya: Jun Eui, Amahan, Inahan, tulo ka manghod nga babaye

Matinabangong mga Kamot ni Jun Eui

Si Jun Eui nagpuyo sa dakong siyudad nga puno sa tag-as kaayo nga mga gambalay. Apan alang ni Jun Eui, ang labing importante nga dapit sa Hong Kong mao ang panimalay sa iyang pamilya. Kon ang uban nagkinahanglan og tabang, mapailubon siya ug maningkamot sa pagtabang kanila. Motabang siya sa iyang mga igsoong babaye sa ilang homework. Motabang siya sa iyang inahan sa mga buluhaton sa balay. Mag-vacuum siya, mag-mop, manghugas sa plato, mamilo sa mga sinina, ug manglimpyo sa mga kwarto. “Kon motabang ko sa akong pamilya ug kon motabang ko sa ubang tawo, mobati ko og kalipay, ug mobati ko sa Espiritu Santo,” miingon si Jun Eui.

Ang mga Paborito ni Jun Eui

Dapit: Panimalay ug ang balay ni Lola sa South Korea

Istorya mahitungod ni Jesus: Sa dihang Iyang gitabangan si Moises nga bahinon ang Pulang Dagat

Kanta sa Primary: “Scripture Power” (ChurchofJesusChrist.org)

Pagkaon: Spaghetti nga adunay puting krima nga sarsa

Kolor: Berde

Mga subject sa eskwelahan: Matematiks, Iningles

Si Jun Eui misunod ni Jesus pinaagi sa mapailubon nga pagtabang ngadto sa uban. Paklia ang pahina aron basahon ang usa ka istorya mahitungod kon sa unsang paagi si Jesus mapailubon.

Salamat nga Mahimong Kabahin sa Pundok sa Matinabangong mga Kamot [Helping Hands Team]!

Padayon sa pagserbisyo sa uban ug pagsunod ni Jesus. Daghan kamo og mahimo nga kaayohan!

Mga paghulagway pinaagi ni Casey Nelson