Ang Bitoon sa Belen
Unsa nga papel ang dad-on ni Cayden diha sa Belen?
Bisperas kadto sa Pasko. Kana nagpasabot nga oras na alang sa pamilya sa pagdrama-drama sa Belen! Ang pagdrama sa istorya sa pagkatawo ni Jesukristo mao ang usa sa paborito nga mga tradisyon ni Cayden sa Pasko.
Si Papa mipagawas sa kahon sa mga kostyum. “Kinsa ang gusto ninyo nga mamahimo niining tuiga?” gipangutana niya ang mga manghod ni Cayden.
“Ako si Jose!” Miingon si Grant. Miduol siya sa kahon ug mikuha og mga kostyum.
“Mahimo ba nga ako si Maria?” pangutana ni Hannah. Miyango si mama ug mitunol kaniya sa monyeka. Gitarong sa pagputos ni Hannah ang monyeka ug gibutang kini sa usa ka gamay nga kahon sama sa usa ka pasungan.
Mipahiyom si Cayden. Si Hannah gusto nga modala sa papel ni Maria kada tuig.
“Ako ang magbalantay sa karnero,” miingon si Brynne, magulang nga igsoong babaye ni Cayden. Gikuha niya ang stuffed nga hayop. “Ug kini ang akong karnero.”
“Si Mama mao ang matahom nga anghel,” miingon si Papa.
Mipahiyom si Mama. “Tan-awa unsa ka maalamon si Papa? Angayan kaayo siyang mahimo nga bantogan nga Maalamon nga mga Tawo.”
“Ang usa nga kusgan nga tawo kinahanglan nga mao ang asno.” Ang magulang nga igsoong lalaki ni Cayden, nga si Scott, mipalihok sa iyang mga braso. “Ako tingali na.”
“Ikaw Cayden?” Nangutana si Papa. “Unsay gusto nimong papel?”
Hilom si Cayden. Dayon aduna siyay ideya.
Midagan siya aron kuhaon ang dalag nga habol gikan sa iyang higdaanan. Iyang gipataas aron makita ni Papa. “Kabahin kini sa wala nato sa una. Gusto ko nga mahimong bitoon. Ang usa nga nagpakita sa agianan padulong ni Jesus.”
“Nindot kaayo kana nga ideya,” miingon si Papa.
Silang tanan misul-ob sa ilang mga kostyum. Gikupo ni Cayden ang dalag nga habol libot sa iyang mga abaga. Dayon si Papa mibasa sa istorya gikan sa mga kasulatan.
Mipahiyom si Cayden samtang si Scott mipahiluna sa iyang mga kamot ug mga tuhod aron mahimong asno. Gibutang ni Papa si Hannah sa iyang likod nga mao ang Maria. Si Grant, kinsa mao si Jose, migunit kaniya samtang naglakaw sila diha sa kwarto. Naminaw pag-ayo si Cayden. Nasayod siya nga hapit na ang iyang turno.
“Ug tan-awa, adunay bag-o nga bitoon nga mosubang,” basa ni Papa.*
Si Cayden mibarog nga ang iyang mga bukton gituyhad. Naghunahuna siya sa bitoon nga misanag didto sa Bethlehem. Gusto niya nga motabang sa mga tawo nga makakaplag ni Jesus, sama sa gihimo sa bitoon nianang unang gabii sa Pasko.
Mga paghulagway pinaagi ni Agnes Saccani