Ang Bag-ong Magtutudlo
Si Anna ganahan nga motambong sa iyang klase sa Sunbeam. Ganahan siya sa iyang magtutudlo, sila si Brother ug Sister Lee. Ganahan siya sa mga leksiyon bahin ni Jesus. Ganahan siya nga makahibalo sa mga pulong sa mga kanta.
Apan karon dili na siya uban sa klase sa Sunbeam. Karon anaa na siya sa bag-ong klase sa Primary. Siya adunay bag-ong mga magtutudlo. Siya maglingkod na sa bag-o nga laray sa panahon sa pagpanganta. Siya adunay bag-o nga klasehanan.
Gikulbaan si Anna. Ganahan siya nga molingkod tupad ni Sister Lee. Naningkamot siya nga dili mohilak sa iyang pagsulod sa kwarto sa Primary.
Usa sa iyang bag-o nga mga magtutudlo mipahiyom kaniya. “Hi, Ako si Sister Ball. Unsay imong ngalan?”
“Ako si Anna,” miingon si Anna.
Gipikpik ni Sister Ball ang lingkoranan tupad niya. “Gusto ka bang molingkod tupad nako? Mao kini ang una nakong higayon sa Primary.”
Milingkod si Ana tupad ni Sister Ball. “Makatabang ko nimo. Kahibalo ko sa tanang kanta!”
“Salamat,” miingon si Sister Ball. “Dako kaayo kana nga tabang.”
Sa wala madugay ang iyang higala nga si Beth misulod. Sa miaging tuig siya didto sa klase sa Sunbeam uban ni Anna. Si Beth milingkod tupad ni Anna.
“Kini si Beth,” gisultihan ni Anna si Sister Ball.
Mipahiyom si Anna. Ganahan ra diay siya sa iyang bag-ong klase sa Primary!
Paghulagway pinaagi ni Toby Newsome