Հիսուսի հետևորդները Անգլիայում
Ծանոթացեք Լյուսիայի, Վիվիի և Զաքի հետ:
Նրանց մասին
Անունները․ Լյուսի, 7 տարեկան, Վիվի, 9 տարեկան և Զաք, 9 տարեկան
Բնակության վայրը․ Հարթֆորշիր (Անգլիա)
Լեզուն. անգլերեն
Նպատակները և երազանքները. Լինել լավ ընկեր (Լյուսիա), անգիր սովորել հավատո հանգանակները (Վիվի) և օգնել ուրիշ երեխաներին զբաղվել սպորտով (Զաք)
Ընտանիքը․ Լյուսիան և Զաքը քույր ու եղբայր են, իսկ Վիվին՝ նրանց զարմիկը
Ինչպես են նրանք հետևում Հիսուսին
«Մեր ընտանիքներն ապրում են նույն ֆերմայում, որտեղ մեր տատիկն ու պապիկն են», - ասում է Լյուսիան։ «Շատ գործ կա անելու, սակայն մենք լավ ենք զգում, երբ ծառայում ենք։ Մենք գիտենք, որ Հիսուսն ուզում է, որ մենք ծառայենք»։
«Մենք օգնում ենք տատիկին հոգ տանել պոնիների մասին»,- ասում է Վիվին։ «Մենք նրանց տանում ենք դաշտ՝ արածելու։ Մենք մաքրում ենք նրանց փարախները, սանրում ենք մազերը, կերակրում և լցնում նրանց ջրի դույլերը։ Մենք սիրում ենք օգնել տատիկին»։
Զաքը նույնպես հետևում է Հիսուսին ծառայության միջոցով։ «Մեր մեծ պապը ձեռքի վիրահատություն էր տարել։ Նա չէր կարողանում խնամել իր այգին։ Իմ ընտանիքը, զարմիկներս, տատիկս ու պապիկս օգնեցին հնձել սիզամարգը և մաքրել մոլախոտերը։ Մեծ պապիկը շատ երջանիկ էր»։
Նրանց նախընտրությունները
Վայրը․ Լյուսիան և Վիվին սիրում են ժամանակ անցկացնել ձիերի հետ
Սուրբ գրության պատմությունը. Զաքը սիրում է այն պատմությունը, երբ Հիսուսը քայլեց ջրի վրայով
Միրգ կամ բանջարեղեն․ Մանգո (Լյուսիա), քաղցր կարտոֆիլ (Վիվի), բրոկոլի (Զաք)
Գույնը․ Մանուշակագույն (Լյուսիա), փիրուզագույն (Վիվի) և դեղին (Զաք)
Դպրոցական առարկան․ Նկարչություն (Լյուսիա և Վիվի) և պատմություն (Զաք)