Mauri mai Cape Verde!

Reiakina rongorongoia natin Tamara are i Karawa ni kabuta te aonaaba.

Kamataata n te tamnei iroun Carolina Farias

Cape Verde bon te atimwakoro n aba ae uakaan ma te matabaiawa i Aberika Maeao. E nakon 480 tenga aomata aika a maeka ikekei.

Taetae

Taetae ni Botukare aia taetae ae bwainaki. Aomata a kabongana naba te taetae Cape Verdean Creole, ke Kriolu, are iaon Portuguese.

Warekenu

Cape Verde iai atimwakorona aika 10, are a riki man te warekenu. Te warekenu ae te kabanea ni bubura ae maiu e aranaki bwa Pico do Fogo. Bon 9,281 te buuti (2,829 m) rietana.

Te Aro

E nakon 80 te betiente kain te Katorika. Iai mwaitiia kain ara Ekaretia ae nakon 16 tenga.

Anene

Kain Cape Verde a tatangira te anene! A anene n Creole, ao aia katangitang a irengan mai Portugal, Brazil, ao West Africa.

Praia Tembora

Te moan tembora i Cape Verde e katabuaki n te ririki ae nako!

Waaki ni Kakukurei

TeTakakaro n te Karaki

Aio te takakaro ae ko kona ni karaoia! Temanna te aomata e kiitana te ruu. Are temanna e karakina karakinan te aomata are e nako n akawa i taari. Ngke a taetae, a bwaatina te bwai teuana n rauniia nakoia n tatabemaniia. Te karaki e toki n tainako n te taeka are, “ao te ika ae uarereke e mate.” Te aomata are e taua te bwai n te tai are e toki iai te karaki e na karaba te bwai anne i akuuna. Te aomata are otinako e na rin ao e na keetinna bwa antai ae mena irouna. Ngkana e eti, te aomata anne e na kiitana te ruu. Ngkana e bure ana keeti, a manga kiitana riki te ruu ao e a manga moan waaki mai moana te karaki.

Bwaain te kuuka

Cachupa (Cape Verde Stew)

1. Korokorea 1 te anion ao 6 te kaariki ae bwanin. Imwiina kuukanna inanon te baan ma teutana te oera.

2. Raira te anion ao te kaariki nakon te bwaata ae bubura. Renganna 1 tiin tomato, 1 tiin n hominy ke te koon, ao 2 tiin te kidney biin are uraura.

3. Ikota 2 bwauna (1 okg) iriko maiu, n aron irikon te beeki, tiaotiti, iriko maiu, ke te ika.

4. Kabwaroa te ran ae tau are e na rabuni bwaai ni kabane inanon te bwaata. Kuukanna iaon aina ae tau kabuebuena inanon uoua te aoa mai nano.

Uringnga: E mwaiti aron karaoan te cachupa. Ko kona n rengani aekakin iriko, biin, ao bukinikai ake ko tangiria!

Ibukin te kamarurung

Te Fiber ae nakoraoi

Te biin e mwaiti iai te fiber, are e kaitiaka te manaoraki inanom ao e buoka te amwarake bwa e na beebete birina rinanon rabwatam. Ko kona naba ni karekea te fiber man te kurein ake a bwanin n aron te raiti, berries, ao nuts.