Nakomai, Iriirai Waaki ni Kakukurei ibukiia Aika a Uarereke,” Rao, Meei 2023, 49.
Te Nu Tetemanti
Nakomai, Iriirai Waaki ni Kakukurei ibukiia Aika a Uarereke
Ibukin Ruka 12–17; Ioane 11
Karaoa te takakaro ni kakaitau ni kekeeti ma ake a uarereke! Rinea te bwai teuana ae ko kakaitau ibukina, ma tai tataekinna moa. Karinanii bukina ngkai ko kakaitau ibukin te aomata anne ke te bwai ni karokoa te teei e eti ana keeti. Ngkanne aia tai imwiina!
Ibukin Mataio 19–20; Mareko 10; Ruka 18
Kaotia nakoia ake a uarereke tamnein te tembora. Kabwarabwara bwa Tamara are i Karawa e tangiriira bwa tina kabaeaki n te tembora ma ara utu bwa tina ikotaki n akea tokina. Anenea “Families Can Be Together Forever” (Aia Boki n Anene Ataei, 188).
Ibukin Mataio 21–23; Mareko 11; Ruka 19–20; Ioane 12
Kawara te tembora ae uakaan ma ake a uarereke ke kaoti tamnei iaon te rain. Tibwa am koaua n aron am namakin ibukin te tembora. Ngkana kam kona n nakonako iaon tanona, buokiia ataei bwa a na ataa te namakin ae tamaroa, ae rau ikekei.
Ibukin Iotebwa Timiti—Mataio 1; Mataio 24–25; Mareko 12–13; Ruka 21
Buokiia ake a uarereke bwa a na taekina, “Iesu e tangirai bwa N na buokiia aomata.” N ikotaki, iangoa temanna are kam kona ni buokia. Imwiina ngkana kam a tia ni buoka te aomata anne, titirakinna bwa tera ana namakin n aron buokakiia.