Nakomai, Iriirai Waaki ni Kakukurei,” Rao, Meei 2023, 10–11.
Nakomai, Iriirai Waaki ni Kakukurei
Ibukin bootakin te utu n te tairiki, kamatebwai ni booki aika tabu, ke ti ibukin te kaungaunga!
Kaotan te Kakaitau
Kamataata n te tamnei iroun Katy Dockrill
Ibukin Ruka 12–17; Ioane 11
Karaki: Wareka karakinan te “Mwaane ae Bwabwaina te Kakaitau” n iteraniba 46. Ko na kangaa ni kaota am kakaitau?
Anene: “Thanks to Our Father” (Aia Boki n Anene Ataei, 20)
Waaki ni kakukurei: Korei 10 beebwa aika ababaki. Ni katoai mwakoro akanne, korea teuana te bwai ae ko kakaitau ibukina. Bautii abwakin beeba akanne ni katomatomai ao kanimwa taboia n te kanim ke te teibi are e na kabaei n ikoti ni karika te tiein. Katinetinea am tiein ni kakaitau n te tabo are kona nonoria iai.
Tia Ibuobuoki ae Bane Arona
Ibukin Mataio 19–20; Mareko 10; Ruka 18
Karaki: Iesu Kristo e reireiniira bwa ti riai ni buokiia aomata ake a kainnano (taraa Mareko 10:17–22). Wareka “Te Owl ao te Orca” n iteraniba 8 n ongora aron te ataeinimwaane ae arana Dieter n iriira Iesu.
Anene: “Keep the Commandments” (Aia Boki n Anene Ataei, 146–47)
Waaki ni kakukurei: Nakon iteraniba 12 ao riki bwa te tia ibuobuoki ae bane arona!
Te Aroka ae Kakauongo
Ibukin Mataio 21–23; Mareko 11; Ruka 19–20; Ioane 12
Karaki: Takaio e kan noora Iesu, ma te koraki aika ibetutu a tuuka matana. Takaio ngke e tamwarakea te aroka bwa e aonga n noora ao n ongora raoi iroun Iesu. (Taraa Ruka 19:2–8.)
Anene: “If I Listen with My Heart” (Music for Children, ChurchofJesusChrist.org)
Waaki ni kakukurei: Karaoa te aroka n te bai! Iaon te mwakoro ni beeba, korea tamnein tabon baim ao baim. Baim e na riki bwa boton te kai ao tabonibaim a na riki bwa mwaangana. Ni katobibi mwaanga nako, koreia ao korotamneia kawai ake ko kona iai n ongora iroun Iesu.
Te Mitinare Ngkai
Ibukin Iotebwa Timiti—Mataio 1; Mataio 24–25; Mareko 12–13; Ruka 21
Karaki: E taku Iesu Kristo bwa imwain manga okina, te euangkerio e na tataekinaki nakon te aonaaba ni kabuta (taraa Iotebwa Timiti—Mataio 1:31). Ti kona ni buoka te katauraoi nakon te Kauaoki man tibwauaan te euangkerio nakoia aomata.
Anene: “I Hope They Call Me on a Mission” (Aia Boki n Anene Ataei, 169)
Waaki ni kakukurei: Karaoa oin aram n te taeki ni mitinare! Korea aram iaon te mwakoro ni beeba ao koreia n te tati. I bukina, korea teuana te bwai are ko kona ni karaoia n tibwa te euangkerio ngkai. Biniia ke kanimwa n te teibi aram bwa am taeki iaon am kabaraaki.
Ibuobuoki n te Wae
Ibukin Mataio 26; Mareko 14; Ioane 13
Karaki: Iesu Kristo e teboki waeia Ana Abotoro (taraa Ioane 13:4–16). E tangiriia ao e kan buokiia. Iesu e tuangia bwa a na ira ana banna ni katooto ao a na ibuobuoki imarenaia.
Anene: “‘Give,’ Said the Little Stream” (Aia Boki n Anene Ataei, 236)
Waaki ni Kakukurei: Karaoa riki te takakaro n ibuobuoki aei. Nikabane a tekateka ma rangaia n te mronron. Temanna te tia takakaro e anaa teuana te nambwa. Ni moanaki man waeia, te tia takakaro e kotei wae ake inanon te mronron ao e warekia rikaaki man te nambwa anne ni karokoa e roko n “teuana.” Te wae are nambwa “teuana” e otinako. Ngkanne te tia takakaro anne e rinea te nambwa ao e warekia rikaaki. Te kabanea n aomata are e tiku rangana n te mronron e na rinea te mwakuri n ibuobuoki ibukin te kurubu bwa a na karaoia.