“Baika a na Taraaki n te Maungatabu,” Te Rao, Meei 2023, 5.
Baika a na Taraaki n te Maungatabu
Tamnei ni kamataata iroun Josh Talbot
Ti Kakoaua iroun Kristo
Beretitenti Oaks E taku bwa ti kakoauaa Iesu Kristo. E wareki kiibu aika mwaiti ibukin ana taetae Iesu inanon Ana tai ni maiu ao ngke E roko ni kawariia Nibwaite. Ti riai ni kamatebwaia ana taeka Iesu bwa ngaia bon kairan maiura.
Aio ae e reireinai:
Ma Iesu riki
Unimwaane Stevenson taekiniia uoman ataeinnaine are ai tinaia.e mate. Buun Unimwaane Stevenson, Lesa, e titirakiniia bwa a uara. A bon taonaki n te nanokaawaki, ma e reke aia tai n tibwauai aia koaua ma ngaia. A ataia bwa ai tinaia aio e bon rang kukurei ao ni kona ni mena irarikin Iesu. Te onimaki iroun Iesu Kristo ao te maiu ae akea tokina e anganiira te kabebeteaki.
Aio ae e reireinai:
Te koaua ae reke iaon te Bwati
Unimwaane Corbitt taekina temanna te aine ae e kakaraki ma ngaia ngke a toka n te bwati. E titiraki te aine arei nakoina bwa bukin tera ngkai e kakoaua Iesu Kristo. E aki rang koaua bwa tera ae e na taekinna. Ngkanne e a baireia bwa e na kaineta ana iango iaon bwaai aika kakawaki riki. E tuanga bwa ti kainanoa Iesu bwa e na buokiira ni kaokiira nakon Tamara are i Karawa. Ti kona naba n tibwauai ara koaua.
Aio ae e reireinai:
Uouotan te Atiibu
Titita Johnson e tibwauaia bwa kangaanga n te maiu aei kanga ai bon aron uouotan te baeki ae onrake n taian atiibu. Ti uouoti atiibu ibukin ara bure, te kairiiribai nakoia temwangina, ao taian kakaewenako inanon maiura. E kona ni karuoi rawawata tabeua man ara baeki Iesu Kristo ngkana ti rairaki Nakoina. Ti kona naba ni buoka kabebetean aia baeki temwangina ngkana ti uotia ibukiia n ai aron ae karaoia Iesu.
Aio ae e reireinai: