“Kaeka iaon te Tembora,” Te Rao, Meei 2023, 38–39.

Kaeka iaon te Tembora

Aekakira nanon te tembora?

Te tembora bon ana auti te Uea. E rang itiaki ao moan te tamaroa nanona. Ni kabane a kunnikainiia n te mainaina ao a kataia ni karinerine. Te tabo ae rau n neboakin te Atua, reiakinaki, ao n namakina ana tangira te Tia Kamaiu rinanon te Tamnei ae Raoiroi.

Tera ae a karaoia aomata inanon te tembora?

Tamnein te ataeinnaine ao te ataeinimwane irarikin tamneia aia bakatibu

N te tembora, ti reiakina taekan ana baire te Atua ao ti karaoi berita aika tabu ma Ngaia. Ti karaoa aei man karaoan taian otenanti n aron te bwabetito, kamatoa, ao ni kabaeaki ma ara utu.

Tera oneau ngkana I nakon te tembora?

Te ataeinimwane n ana tiute ao ana neketai irarikin te ataeinimwane ae mainaina kunnikaina

Ko riai ni kunnikainiko n am kabanea n tamaroa nakon te tembora. N te tai are ko rin iai, kona oneiko n onea aika a onoti ibukin karaoan otenanti. Ibukin te bwabetito, taan mwakuri n te tembora a na anganiko te kunnikai ae mainaina bwa kona bwainna.

Tera te Beeba ni Kariaia Nakon te Tembora?

Te ataeinimwane e moangare ao e uota ana kaati

Te beeba ni kariaia nakon te tembora bon te mwakoro ni beeba ae uarereke are e anganiko te karaiaia n rinim n te tembora. Ko kona ni karekea teuana mairoun te membwa n te bitiobiriki ke te beretitentii n te mwaanga. E na titirakinikiniko ngkana ko kawakin tuua ao ngkana iai am koaua. Ngkana ko tau ao ko tauraoi n rin n te tembora, e na anganiko te beeba ni kariaia nakon te tembora.

Tera ae nanonaki ni karaoan te bwabetito ibukiia maate?

Te ataeinnaine ae bwabetitoaki n te tabo ni bwabetito n te tembora

Inanon te tembora, ti kona ni bwabetito ibukiia aomata ake a tia ni mate ao a tuai ni bwabetitoaki. Kona bwaina te mainaina ao kona kateboaki inano (tebonako ni kabane i aan) te ran.