“Te Kakai nakon Jimena n te Tembora,” Rao, Meei 2023, 36–37.
Te Kakai nakonJimena’s n te Tembora
E nakonnano Jimena. Ma E ataia bwa e kona ni buokiia te Uea.
E riki te karaki aei i Guatemala.
Jimena e tamwarake n rinnako inanon te kaa ao e kabaea roona. Neiei ma ana karo iaon kawaia nakon te tembora. Aio bon ana moan tai ni karaoa te bwabetito n te tembora. Papi e na bwabetitoia ibukiia aia bakatibu tabeman. E korakora ingaingana ao n aki kona n kan tataninga!
Ma imwiina Jimena e iangoa te bwai are e na karika namakinan te nakonnano. “Papi,” e taku, “tera aron au bwam?”
Jimena iai irouna te tioka ae te karinan 1. Ngkana e na tiku ni marurung, e na kabongana n tainako bwamin te insulin ni buoka tianakin te tioka n raraana. Ngkana e kanakoa n te tai ae maan n aki kabongana, e na bon aoraki.
“A kona ni kariaia bwa N na kabongana inanon te tembora?” E titiraki Jimena. E rikirake n tata buroona. “Tera arona ngkana I a tebo n te ran?”
“E na bon NAKORAOI,” e taku Papi. “Ko kona ni kabongana am bwam ni karokoa ko nang tebo n te ran. Imwiina Mamá e kona ni buokiko ni kaokia n te tai naba are ko otinako iai.”
E katoutoua atuna Mamá. “Ao ngkana ko a namakina te aoraki ngkai ko karaoa te bwabetito, ti tuanga Papi ao ko kona ni katokia.” Ekoona baina tinana. “Tina bon raoniko n tainako.”
“E NAKORAOI,” e taku Chung. Neiei e teimatoa n nakonnano. Ma Tinana ao Papi a tia ni buokia ni karaua nanona.
Ngke a roko, Jimena e taua bain Tinana ao Papi ngke a nakonako nako mataroan te tembora. Bon te tai naba are a rinako inanona, Jimena e namakina te aabue, ao te raunnano. E ataia bwa te Tamnei ae Raoiroi e tuangnga bwa Tamana are i Karawa e na buokia, e ngae ngke e nakonnano. A NAKORAOI bwaai ni kabane, n aron are e taku Papi.
E oneia Jimena nakon kunikai aika a mainaina. Imwiina e buoka Jimena tinana ni kanakoa ana bam. “Bon tii inanon tabeua te miniti,” e taku Tinana. E rabwata Jimena.
Jimena e tei inanon te ran. Papi e tataningaia. E kanakoa baina ao e buokia n ruo rikaaki n te kai n tamwarake.
Papi e taekina te tataro ni bwabetito ao e kateboa Jimena iaan te ran. Ngke e otirake, e moangare Jimena. Imwiina a karaoi tabeua riki bwabetito.
“Ko namakina te NAKORAOI?” Papi e wirikiriki i taningana.
“Eng!” e taku Jimena.
Papi e bwabetitoia ibukiia tabeman riki aomata. “Ko kona ni karaoi riki?” e manga titiraki.
“Eng!” e taku Jimena.
Imwiin te kabanea ni bwabetito, e buoka Jimena Tinana ni kaoka ana bam ao e tuoa tiokana. E wiingare Tinana. E tiku n arona! Kaanga titebo ma e aki te roko ni kanakoa ana bam Jimena.
Imwiina a nakon te ruu ae uarereke. Papi e katokai baina iaon atuun Jimena. E kamatoa bwa te membwa n ana Ekaretia Iesu Kristo ibukiia Aika Itiaki ni Boong aika Kaitira ibukiia aomata ake a tia ni mate ake e a tia ni bwabetitoaki ibukiia. N te tai aei ana bakatibu a kona n rineia bwa a na kaaina ana Ekaretia Iesu Kristo!
N te kainutu n te tairiki n te wiiki are imwiina, Jimena ao ana karo a maroroakina mwanangaia nakon te tembora. “Te tembora bon Ana auti te Uea,” e taku Papi. “Ngkana ti nako, ti kona ni karekei kakai inanon maiura.”
“Tera aekakin kakai?” e titiraki tarin Jimena ae uarereke, Pablo.
“E nako nanou ngke N na kanakoa bwamin te Insulin ngke N nang rin n te ran,” e taku Jimena. “Ma ngke I a karaoa te bwabetito, I aki roko n te namakina te aoraki. Bon te kakai!!” E moangare Jimena. “Ao e ngae ngke I maaku, te Tamnei ae Raoiroi e buokai ni kabebeteai. Anne naba te kakai.”
Kamataata n te tamnei iroun Alyssa Petersen