Ողջույննե՜ր Կաբո Վերդեից

Իմացեք, թե ինչպես են ապրում Երկնային Հոր զավակները ամբողջ աշխարհում:

Կաբո Վերդեի դրոշը

Նկարները՝ Կարոլինա Ֆարիասի

Կաբո Վերդեն երկիր-կղզի է Արևմտյան Աֆրիկայի ափին մոտ։ Այնտեղ բնակվում է շուրջ 480 հազար մարդ:

Լեզու

Երկու աղջիկ խոսում են միմյանց հետ

Պորտուգալերենը պաշտոնական լեզուն է։ Ժողովուրդը խոսում է նաև Կաբո Վերդեական կրեոլերեն կամ կրիոլու, որը հիմնված է պորտուգալերենի վրա։

Հրաբուխներ

Հրաբուխ

Կաբո Վերդեն ունի 10 կղզի, որոնք ստեղծվել են հրաբուխներից։ Ամենամեծ գործող հրաբուխը կոչվում է Պիկո դո Ֆոգո: Այն ունի 9281 ֆուտ (2829 մ) բարձրություն։

Կրոնը

Եկեղեցու շենք

Մարդկանց մոտ 80 տոկոսը կաթոլիկ է։ Մեր Եկեղեցու անդամները նույնպես մոտ 16 հազար են։

Երաժշտություն

Ընտանիքը երգում է

Կաբո Վերդեում սիրում են երաժշտությո՛ւն: Նրանք սովորաբար երգում են կրեոլերեն, և նրանց երաժշտությունը ներառում է Պորտուգալիայի, Բրազիլիայի և Արևմտյան Աֆրիկայի ոճերը:

Պրայայի տաճարը

Պրայայի (Կաբո Վերդե) տաճարը

Կաբո Վերդեի առաջին տաճարը նվիրագործվել է անցյալ տարի։

Միջոցառում

Պատմության խաղ

Շարքում կանգնած մի խումբ երեխաներ

Ահա մի խաղ, որը կարո՛ղ եք խաղալ: Մի հոգի դուրս է գալիս սենյակից։ Մյուսները պատմում են մի մարդու մասին, որը գնում է ծովում ձկնորսության։ Մինչ նրանք խոսում են, միմյանց են փոխանցում մի առարկա: Պատմությունը միշտ ավարտվում է «և փոքրիկ ձուկը սատկեց» բառերով։ Երբ պատմությունն ավարտվում է, իրը պահողը թաքցնում է այն իր մեջքի հետևում: Նա, ով հեռացել էր, վերադառնում է և գուշակում, թե ում մոտ է այդ իրը: Եթե ճիշտ է գուշակում, ապա այդ անձը դուրս է գալիս սենյակից։ Եթե սխալ է գուշակում, նա նորից դուրս է գալիս սենյակից, և պատմությունը սկսվում է կրկին:

Բաղադրատոմս

Կաչուպա (Կաբո Վերդեյի շոգեխաշու)

Մի ափսե շոգեխաշու

1. Մանրացրեք 1 սոխ և 6 պճեղ սխտոր: Այնուհետև մի փոքր ձեթով եփեք դրանք տապակի մեջ։

2. Սոխն ու սխտորը տեղափոխեք մեծ կաթսայի մեջ։ Ավելացրեք 1 տուփ պահածոյացված լոլիկ, 1 տուփ եգիպտացորեն, և 2 տուփ կարմիր լոբի:

3. Ավելացրեք 1 կգ միս օրինակ՝ խոզի միս, երշիկ, տավարի միս կամ ձուկ:

4. Լցրեք այնքան ջուր, որ ծածկի կաթսայի պարունակությունը: Եփեք թույլ կրակի վրա առնվազն երկու ժամ։

Նշում. կաչուպա պատրաստելու բազմաթիվ եղանակներ կան: Եթե ցանկանում եք, կարող եք ավելացնել տարբեր տեսակի միս, լոբի և բանջարեղեն:

Օգտակար խորհուրդներ

Արտասովոր մանրաթել

Լոբի, հատապտուղներ և ընկույզ

Լոբին պարունակում է շատ մանրաթելեր, որոնք մաքրում են ձեր ներսում եղած բակտերիաները և օգնում են, որ սնունդն ավելի հեշտությամբ տեղափոխվի ձեր մարմնով: Դուք կարող եք մանրաթել ստանալ նաև ամբողջահատիկ ձավարեղենից, հատապտուղներից և ընկույզից: