Te Rongorongo man te Maungatabu mairoun te Burabeti
Riki bwa te Tia Raoi
E anaaki man “Kainanoaia taan Raoi,” Riaona, Meei 2023.
Ngkai ngaira ana reirei Iesu Kristo, ti riai n riki bwa banna ni katooto n arora n reitaki ma tabeman. Teuana te kawai ae moan te bebete ni kina te tia irira raoi Iesu Kristo bon aron te aomata anne n tabeakiniia aomata ake tabeman.
E kamataata ikai te Tia Kamaiu. “A Kabwaia taan raoi,” E taku (Mataio 5:9; taraa naba 3 Nibwaai 12:9). Taan iriiria ni koaua a katea, uotia rake, kaunga, ao n karekea te wirikiriki—n aki taraia bwa matoara te kangaanga. Taan iriira ni koaua Iesu Kristo bon taan raoi.
Arora n tabeakiniia raora nako e rang kakawaki! Arora n taetae nakon ao ibukiia tabeman n te mweenga, n te taromauri, ao iaonrain a bon rang ni kakawaki. Ti kona ni bita te aonaaba—n te reitaki ma aomata inanon te tai teuana ma teuana.
Kakaokoron te iango bon kanoan te maiu aei. Ti a kaotia ae iai te kawai ae rine ni katoka te aki boraoi n te kaantaninga. Tataro bwa e na reke iroum te ninikoria ao te wanawana n taekina ke ni karaoa te mwakuri ae are e karaoia te Tia Kamaiu.
I kaumakiko n rineia bwa ko na riki bwa te tia karekea te raoi, ngkai ao n taainako.
“Ao E Kaurea Wina n Reirei Nakoia”, iroun Michael Malm
Ti Kona ni Bita te Aonaaba
Beretitenti Nelson e taekinna bwa te bwai ae ti karaoia ao n atong a bon rang kakawaki! N te tabo ae mwaawa i nano, Korea te bwai ae ko kona n taekinna bwa ko na buoka karekean te raoi.
Teraa ae ko kona n taekinna n nakon temanna ae nanokaawaki?
Teraa ae ko kona n taekina ngkana temanna e anai am bwai?
Teraa ae ko kona n taekina ngkana temanna e aki toki n iowawa nakoim?