“O Se Faatinoga Laitiiti ma Faamanuiaga Tetele,” Uo, Iuni 2023, 2–3.
Mai le Au Peresitene Sili
O Se Faatinoga Laitiiti ma Faamanuiaga Tetele
Mai le “Ia Maua Pea Lona Agaga,” Liahona, Ian. 1997, 68–71.
Pe a tatou papatiso, ua tatou faaali atu ua tatou naunau e tauave le suafa o Iesu Keriso i o tatou luga. Tatou te folafola atu foi e faia Lana galuega ma tausi Ana poloaiga. Ona faaee lea e i latou e umia le perisitua o latou lima i luga o o tatou ulu e faamanuia ai i tatou i le meaalofa o le Agaga Paia.
O taimi uma lava tatou te aai ma feinu ai i le faamanatuga, tatou te faafouina ai a tatou folafolaga o le papatisoga. Tatou te saunia e ala i le salamo i mea sese ua tatou faia. Tatou te mafaufau ia Iesu Keriso. Ma tatou te folafola atu e manatua o Ia.
A tatou faia nei mea, e faamagalo i tatou e le Alii. Ua Ia folafola mai foi afai tatou te tausia Ana poloaiga, e mafai ona tatou maua pea le Agaga Paia e faatasi ma i tatou. O le Agaga Paia o lo tatou faamafanafanaga, o lo tatou fesootaiga, ma o lo tatou taiala e toe foi atu ai i le Tama Faalelagi.
O le faamanatuga e ono foliga mai o se faatinoga laitiiti. Ae e aumaia ai ia i tatou faamanuiaga silisili. Ou te tatalo ina ia mafai ona tatou maua pea nei faamanuiaga.
O Tali o le Faamanatuga
Pe na e faalogo ma le toto’a i tatalo o le faamanatuga? Faafetaui fesili ma tali o loo i lalo. (Faitau ia tatalo o le faamanatuga i le Mataupu Faavae ma Feagaiga 20:77, 79.)
-
O le a le mea tatou te manatua?
-
O le a le mea tatou te folafola atu?
-
O a faamanuiaga ua folafola mai e le Alii ia i tatou?
-
O le tino ma le toto o le Faaola
-
Ina ia tatou maua pea Lona Agaga e faatasi ma i tatou.
-
Ina ia ave i o tatou luga le suafa o Iesu, manatua pea o Ia, ma tausi Ana poloaiga
Tauagavale: ata na tusia e Apryl Stott; taumatau: ata na tusia e Beth Whittaker