Feagaiga Fou

O Gaoioiga o leSau, Mulimuli Mai ia te A’u mo Tamaiti Laiti

Mo le Ioane 14–17

Musumusu atu “Ou te alofa ia te oe” i lau tamaitiiti. Ta’u atu ia i latou e musumusu mai e le Agaga Paia upu o le alofa ma le moni i o tatou loto ma mafaufau. E le masani ona tatou lagonaina soo i o tatou taliga, ae latou te tuuina mai ia i tatou ia lagona alofaina ma le saogalemu.

Mo le Luka 22; Ioane 18

Usu le “O Loo Ou Taumafai e Avea e Pei o Iesu,” (Tusipese a Tamaiti, 40–41) ma lau fanau laiti. Tuu atu ia i latou se ata o Iesu e uu. Ta’u atu ia i latou e sii i luga i taimi taitasi latou te faalogo ai ia “Iesu” i le pese. Ona fesoasoani lea ia i latou e fai mai, “E alofa Iesu ia te a’u.”

Mo le Mataio 27; Mareko 15; Luka 23; Ioane 19

Fesoasoani i lau fanau laiti ia fai mai, “E mafai ona ou faamagalo atu i isi e pei ona sa faia e Iesu.” Faamalamalama atu a tatou faamagalo atu, ua tatou fesoasoani e faasa’o. Faatino ni nai vaaiga o taimi atonu e manaomia ai e se tasi le faamagaloga, e pei o le uma ai o le talepeina o se meataalo. Fesoasoani i lau fanau laiti e mafaufau e uiga i mea e mafai ona latou fai atu ai.

Mo le Mataio 28; Mareko 16; Luka 24; Ioane 20–21

Ta’u atu i lau fanau laiti e uiga i se tagata o le aiga ua maliu. Faaali atu se ata pe afai o i ai. Faamalamalama atu e maliliu tagata, ae e le o le mutaaga lena. Fesoasoani ia i latou e fai mai, “O le a tatou toe ola uma pe a mavae le oti, e pei lava ona sa faia e Iesu.”