Atavali Masima

Na fetalai atu Iesu Keriso i Ona soo, “O outou o le masima o le lalolagi” (Mataio 5:13). O le masima o se mea masani e mafai ona faaaoga mo le tele o mea ofoofogia. Fai lenei atavali ma mafaufau i nisi o mea ofoofogia e mafai ona e faia faatasi ma le fesoasoani a le Atua!

I luga o se fasipepa, faaaoga le kelu e tusi ai se ata. E mafai ona e tusia soo se mea e te fiafia i ai!
Sasaa le masima i luga o le pepa. Taumafai ia tele se masima e pipii i le kelu i le mea e mafai ai. Lulu ese le masima sa totoe i totonu o se pesini.
Toe fai le Laasaga 2 seia oo ina kava atoa le kelu i le masima.
Fufui le pulumu vali i totonu o vali ma faapa’i lemu atu le pulumu vali i lau mamanu masima. E tatau ona sosolo atu le lanu i le masima. (O le tele o le vai o lau vali, o le lelei foi lena o le sosolo o le lanu.)
Tuu lau ata vali e faamago i le po.