“Mulimuli ia Iesu i Potukale,” Uo, Iuni 2023, 16–17.

Mulimuli ia Iesu i Potukale

Feiloai ia Matilde!

E Uiga ia Matilde

Tausaga: 5

Mai: Eria o Lisbon, Potukale

Gagana: Potukale

Aiga: Matilde, Tina, Tama, ma se tuagane ma se uso laitiiti

Sini ma miti: Ia avea ma se foma’i

Auala e Mulimuli ai Matilde ia Iesu

Aiga o loo tutu i luma o le Malumalu o Lisbon Potukale

I se tasi aso, na ta’u atu ai e le tina o Matilde ia te ia ua manao le uarota e ao mai ni meataalo. O meataalo e mo tamaiti na vave tuua o latou lava atunuu. Sa fesili atu le tina o Matilde pe i ai ni ana meataalo vaivai e faasoa atu ia i latou. O le a fesoasoani meataalo ia i latou e lagona ai le faaitiitia o le fefe i la latou malaga.

I le taimi muamua sa lei manao Matilde e faasoa atu ana meataalo. Ona ia mafaufau lea i le fiafia o le a maua e tamaiti pe a maua se meataalo. Sa mafaufau o ia i le ala na fesoasoani ai Iesu Keriso i isi. O le aso na sosoo ai, sa ia fesoasoani ai e piki nisi o manu vaefa momi e faasoa atu. Sa fiafia o ia i lona loto aua sa mafai ona ia fesoasoani i tamaiti ia maua se lagona lelei. Sa fiafia o ia e mulimuli ia Iesu.

O teineiti e toalua o loo tutu i totonu o le potu ma manu vaefa momi

O Mea e Fiafia i ai Matilde

O le matafaga, o le Pepe o Iesu, o se pea, o se fugalaau piniki, ma se penitala ma se pulumu vali

Nofoaga: O le matafaga

Tala e uiga ia Iesu: O Lona fanau mai

Fualaau aina: Pea

Lanu: Piniki

Mataupu i le aoga: Tusigaata