“O Se Tatalo mo le Faamafanafanaga,” Uo, Iuni 2023, 28.
Tusia e Oe
O Se Tatalo mo le Faamafanafanaga
Ata na tusia e Amanda Smith
Ina ua maliu se uo maoae a le aiga i ni nai masina ua mavae, sa ou faanoanoa lava. Sa ou lagona e pei sa i ai se pu lapoa ma gaogao i lo’u manava. Faapea lava a’u e le toe alu ese.
Ae o le aso na ta’u mai ai e lo’u tina ia te a’u ma lo’u aiga ua maliu le matou uo, e le na o a’u na lagona le faanoanoa. Sa ou popole tele i lona aiga ma lo latou faanoanoa tele. Afai ou te lagonaina lenei faanoanoa, atonu e faitau afe le lagona faanoanoa o lona aiga.
I lena po sa ou faia ai se tatalo. Sa ou ole atu ina ia lelei mea uma mo a matou uo ma lagona le faamafanafanaga. Sa ou ole foi faapena mo lo’u aiga.
Ina ua uma ona ou faia le tatalo, sa ou lagonaina se galu o le mafanafana ua oo mai i o’u luga. Ou te iloa o le Agaga Paia sa faamafanafanaina a’u. Sa ou iloa o le a lelei mea uma. Sa faatumulia le gaogao o lo’u manava, ma sa ou iloa o le a ou toe vaai i la’u uo i se aso.