“O Le Tupe Siliva o le Agalelei,” Uo, Iuni 2023, 36–37.
O Le Tupe Siliva o le Agalelei
Sa nanā e Nina le tupe siliva i luga o le polokiko a Máté.
O lenei tala sa tupu i le ISA.
Sa ataata Nina a o ia faamaeaina le faapipiina o le faailoga i lana tulaga faatau vaitipolo. “Vaitipolo! 25 sene,” na faitauina ai. Sa ia faaputuina ipu inu palasitika i autafa o le sioki vaitipolo.
Sa o se aso vevela o le taumafanafana. Sa faamoemoe Nina o le a mananao le toatele o ona tuaoi i se vaiinu manaia ma malulu.
Sa savali ifo Mr. Burleigh ma toso lana tamaitiiti laitiiti i se taavale toso. “Ou te manao i se vai.” Sa ia tuuina se tupe siliva i le fagu a Nina. Sa ia ligi e Nina se ipu vaitipolo ma ia.
O uo a Nina na sosoo ai o Bethany ma Livvy na tietie atu i a la uila. Sa la tutu ma faatau mai foi ni la vaitipolo. “Faafetai!” Sa fai atu ai Bethany.
Sa lulu e Nina lana fagu, ma tatagi mai ai tupe siliva i totonu. Ua uma ona ia maua se tupe itiiti!
Ona sau lea i fafo o le tuaoi e fiafia i ai Nina e aumai le lapisi. “Talofa, Nina,” o le tala lea a Máté. “Ou te manao foi i se vaitipolo.”
Sa fesoasoani tele Máté ma lona toalua o Tanya, i le aiga o Nina. Ina ua maliu le tamā o Nina, sa fesoasoani Máté ia i la’ua i ni galuega faatino i le fale. I se tasi taimi sa ia faaleleia ai le la fagaau na mama. Sa ia faapupuuina laau uumi i lo la tuafale. Ma sa ia fesoasoani e faaleleia le taavale a Tina ina ua le ola le ma’a.
“Ia o lea” Sa tuu atu e Nina ia te ia se ipu.
Sa amata ona tuu e Máté se tupe siliva i totonu o lana fagu, ae sa taofi o ia e Nina.
“E te le tau totogia!” o lana tala lea. “O lenei vaitipolo o se faafetai mo mea uma ua e faia e fesoasoani mai ai ia i ma’ua.”
“Ae fai mai le faasilasilaga e 25 sene!” Na fai atu ai Máté. “Ma o lenei vaitipolo e tofolelei tele mo le le totogia.”
Sa toso ese e Nina le fagu ma ata. “Leai. E ave fua mo oe!”
O le aso na sosoo ai, ina ua alu Nina i fafo e aumai le meli, sa tu o ia. Sa susulu se tupe siliva i le la i luga o le sitepu o le polokiko. Na ia autilo atu i le fale o Máté. Atonu na ia tuuina le kuata iina! Sa taumafai pea o ia e totogi lana vaitipolo.
Sa ataata Nina. O Máté e le na o ia e mafai ona faia auaunaga e le iloa, sa ia mafaufau ai. Sa ia tamoe i le isi faitotoa ma tuu le kuata i le fala o le faitotoa o Máté.
O le aso na sosoo ma lena, na alu ai Nina i fafo e tietie i lana sikuta. Ma sa i ai le kuata o Máté, sa taatia i autafa o le fugalaau i talaane o le faitotoa i luma.
Sa tietie atu Nina i lana sikuta i le fale o Máté. O le taimi lea sa ia tuu ai le kuata i luga o se maa i tafatafa o le polokiko.
Na mavae atu vaiaso. Sa alu ma sau le kuata. O aso taitasi e maua ai e Nina le tupe siliva i luga o le latou polokiko i se nofoaga fou. Ma o aso uma lava, sa ia nanaina ai i se nofoaga fou i le polokiko a Máté.
Ona oo lea i se tasi aso, sa alu Nina i fafo ma tau atu ai i se mea na faateia ai. O le kuata—na faia i se asoa manaia lava. Sa ia uuina i luga ma ataata. Sa taia e le la le tupe siliva ma susulu atu ai.
I le tuaoi sa faigaluega ai Máté i lana fale laupapa.
“Faafetai lava!” Sa ee atu ai Nina i luga ae o le pa’o o le ili.
Sa ea a’e i luga Máté. Sa uu i luga e Nina le asoa.
“Sa fesoasoani Tanya ia te a’u e fai le asoa,” o le tala lea a Máté. “O se meaalofa mai ia i ma’ua uma mo le agalelei tele.”
“Ou te matea ua malo oe.” Sa ata Nina ma faamaulu le asoa. “Ou te fiafia tele i ai o le a ou teuina e faavavau.”
Sa faafetai o ia i le i ai o ni tuaoi agalelei, ma agaalofa.
O ata na tusia e Mitch Miller