Mai Vei iRatou na Mataveiliutaki Taumada

Na Sala Mo Dua Kina na Daukaulotu

Mai vei Peresitedi Russell M. Nelson

Tauri mai na “Vunautaki ni Kosipeli ni Sautu,” Liaona, Me 2022, 6–7; kei na “Mo Nodra iVakaraitaki na Vakabauta,” Liaona, Nove. 2010, 47–49.

A kaya na Turaga vei ira na Nona tisaipeli me ra “lako ki vuravura taucoko, ka vunautaka na kosipeli vei ira na tamata kecega” (Marika 16:15). Sa ganiti ira kece na tamata me ra kila na vanua era rawa ni kunea kina na inuinui kei na vakacegu i Jisu Karisito. Sa noda na itavi tabu me da wasea na sautu i Jisu Karisito vei ira kece era via rogoca.

O rawa ni vukei ira na tani me ra kunea na vakacegu ni kosipeli ena nomu:

• iVakaraitaki vinaka.

• Muri Jisu Karisito me rawa kina ni cilava na matamuni na Nona rarama.

• Vakarabailevutaka na nomu iwirini ni itokani.

• Na sureti ni dua na itokani me wilika na i Vola i Momani.

• Na sureti ni dua na itokani me lako vata kei iko ki na dua na soqoni ni Lotu se itaviqaravi.

O rawa talega ni navuca mo veiqaravi vakadaukaulotu ni o sa qase cake. Ena vakalougatataki iko kei ira e vuqa tale.

Na iWirini ni iTokani

Droini mai vei Garth Bruner

Ena iyaloyalo e ra, raica e vica na itokani ena itaviqaravi ni Lalai era:

• Drauniulu loaloa

• Vakasote dromodromo

• Vakaitaube

• Vakamatailoilo

• Vaka kato dreketi drokadroka

• Vakaivava Damudamu

• Vakawilijea

• Vakapolo ni soka