“Tamai Magnolia Veivakurabuitaki,” iTokani, Julai 2023, 40–41.
Tamai Magnolia Veivakurabuitaki
“Eso na gone e kaya ni datou sega ni matavuvale vinaka baleta ni sega ni lewe ni noda lotu o Ta.”
Na italanoa oqo a yaco e Amerika.
“Magnolia! Lily!” A kaci o Tamaqu. “Gauna ni ivolanikalou kei na masu!”
A davo tu o Magnolia ena vuloa e yasa ni nodratou koli, o Raindrop. A ovi tu o Lily ena nona tutuvi taleitaki.
E lasa na gauna ni ivolanikalou vakamatavuvale. Eso na gauna era matanataka vata na italanoa mai na ivolanikalou. E a vukei Magnolia ni raitayaloyalotaka na italanoa. Kena ikuri, dau veivuke tu o Raindrop ni ra tiko na manumanu ena italanoa!
A dolava o Ta na nona ivolanikalou ka wilika e dua na tikina. Qai solia tu na iVolatabu levu ka bibi vei Magnolia. Rau a veivukevuke ena wiliwili.
“Ia mo dou veilomani vakai kemudou,” e wilika o Magnolia.*
Sa matararawa o koya. Era sega ni dau yalovinaka vua na tamata e valenilotu.
“Na, Ta, e rawa niu tukuna vei kemudrau e dua na ka?” a kerea o koya.
“O io,” a kaya o Na. Na cava oya?
“Ena Lalai e nanoa, eso na gone e tukuna vei au ni tou sega ni matavuvale vinaka baleta ni sega ni lewe ni noda lotu o Ta.”
E lewena tu e dua tale na lotu na tamai Magnolia. E gole tu ki na soqoni ni sakaramede kei na nodratou matavuvale ena vei Sigatabu. A vosa o koya me baleta na Yalo Tabu ena papitaiso nei Lily kei Magnolia. Era kaya kece ni a caka vinaka o koya. O koya e dua na tama veivakurabuitaki.
“Na ka era kaya sa vakavuna meu via tagi.” A cerudi o Magnolia. “Cava na vuna era dau yaloca kina na tamata?”
Rau a veiraici o Na kei Ta.
“Au marau ni o tukuna vei keirau na ka e yaco,” a kaya o Ta “Keirau veilomani sara vakalevu kei Na. Ka sa ka bibi sara vei keirau na nodatou matavuvale.”
A deguvacu o Na. “Ka sa ka bibi talega vua na Tamada Vakalomalagi na nodatou matavuvale. E sa lomani ira taucoko na Luvena.
A kabi cake yani o Raindrop vei Magnolia. E mila na daligana.
“Sa kilai keda na Tamada Vakalomalagi, ka kila tu ni datou veilomani,” a kaya o Ta. “E sega ni dua na matavuvale e vinaka sara, ia sa rawa ni datou tovolea tiko me vinaka tu.”
“Ia e se mosi tikoga ni ra tukuna na tamata na veika ca me baleta na nodatou matavuvale,” a kaya o Magnolia. “Sa vakatavulici keda o Jisu Karisito me da yalovinaka vei ira na tamata kecega Na cavuti ni veika ca e sega ni vaka na muri Jisu tu.”
“O dina,” a kaya o Ta. “Ena gauna beka o via cavuta kina e dua na ka ca, sa rawa ni o nanuma na ka o a vakila ni ra yaloca tu kina vei iko na tani. O sa qai rawa ni kaya e dua na ka vinaka sara.”
A cegu levu o Magnolia. “Donu.” A marau o koya ni rawa ni vosa vei Na kei Ta.
“Gauna ni seniwiji vakamatavuvale!” A dreti Lily kei Magnolia o Ta ena dua na imoko levu ka boboki rau matua. A ologi iratou tolutolu o Na e ligana. E cici wavokiti iratou taucoko o Raindrop.
“Au sega ni cegu rawa!” a veiwali o Lily. A dredre o Magnolia.
“Vakananuma oqo vei au—o cei me na wiliwili qo?” A taroga o Ta. A vakalaivi iratou na yalewa ka tomika cake na nona ivolanikalou.
“O au!” a kaya o Lily. “Ka sa itavi i Ta na masu.”
Ni sa oti na nodratou wiliwili, era sa tekiduru kece me masu. A vakila o Magnolia na vakacegu ni vakarorogo tu ki na masu i Ta. E kila o koya ni sa lomana na nona matavuvale na Tamada Vakalomalagi.
Droini mai vei Constanza Basaluzzo