Vosa oPenijamini me baleta na Tuva Kawa

O Penijamini e lako mai Buenos Aires, Argentina. Keirau a tarogi koya ena so na taro me baleta na tuva kawa.

O a tekivuna vakacava na tuva kawa?

Au a tekivuna na tuva kawa vata kei tamaqu. Keirau dau vakayacora vata ena vei Sigatabu. A vukei au o tamaqu ni vulica na ivakavakayagataki ni FamilySearch. Meu na vakatovotovo ka vakatovotovo. Au sa caka tuva kawa oqo vata kei tamaqu se Jasmina na tavalequ.

Na cava o taleitaka vakalevu me baleta na tuva kawa?

Au taleitaka ni raica na tamata vou eso me vakuri ki na noqu vunikau ni matavuvale. Matai, au raica na ivolatukutuku makawa. Kau qai vakaraica na yacadra na tubuqu. Au raica na nodra tikinisiga ni sucu kei na vanua era a sucu kina. Au raica eso tale na vanua era a vakaitikotiko kina.

Na cava o sa vulica tu me baleti ira na tubumu?

Au vulica ni so na tubuqu a lako mai Itali kei Jamani. E dua vei ira na tubuqu mai Itali e tautauvata na yacana kei taciqu! Na yacai taciqu o “Santiago,” o ya na “Giacomo” vaka Itali. Au vulica talega ni duidui tu na ivosavosa ni otioti ni yacai keirau.

O vukei ira vakacava na tamata tale eso me ra tuva kawa?

Au vukei buqu me vakayagataka na FamilySearch. Au vakavulica vua na sala me vakuria kina na vakananumi eso. Au vukei koya talega me vakuria na tamata era yali tiko ki na nona vunikau ni matavuvale. Eso vei ira na wekana e levu tu na yacadra! E sa balavu sara na nodra biu taucoko eloma. Ia au marau dina ni rawa niu vukei koya me vulica na ivakavakayagataki ni FamilySearch, me vaka ga a vukei au o tamaqu.

Na cakacaka cava ni tuva kawa o na via cakava tarava?

Au vinakata meu caka vidio me baleti ira na noqu itokani kei na matavuvale me vukei ira ni vulica na ivakavakayagataki ni FamilySearch. Niu a tekivu, sa levu na ka meu vulica. Au via vakavulici ira na tamata tale eso me rawa ni ra cakava talega vakakina.

Droini mai vei Laura Zarrin