“iVakasigalevu Kofta,” iTokani, Julai 2023, 12–13.
iVakasigalevu Kofta
“Na cava na ka matalia o kania tiko?”
Na italanoa oqo a yaco e Amerika.
A dabe sobu ena teveli o Roy ka dolava na nona bola ni vakasigalevu. Eratou se qai toki ga na nona matavuvale, oqo na imatai ni nona siga ena nona koronivuli vou. A cakava o tinana na kena kakana taleitaki vaka-Armenia, na kofta. E marautaka o koya ni na kania!
A cereka o Roy na pepa e olo tu kina na kofta. E vaka e dua na ivivi lewenimanumanu lila balavu. E dau taleitaka o koya na iboi ni isaluwaki e vavi vata kei na lewe ni manumanu. Kei na qara e lomadonu a yaco me vaka e dua na sici lailai. A biuta ki gusuna ka uvuca. Qai dua na ikati. Totoka!
“Ei,” a kaya e dua na gonetagane e yasani teveli kadua. “Na cava na kakana matalia o kania tiko?”
A vakila o Roy na raragi ni baluna. “Na kequ ivakasigalevu.”
“Ia, e sega soti ni rairai vinaka.” A dredre o cauravou.
“A sega ni kila o Roy na ka me tukuna. E sega ni kila o koya ni sega tale ni dua eke e kania na kofta. E sega ni vinakata me ra nanuma ni matalia o koya! A mani biuta na kena ivakasigalevu ka cici i tautuba me vakacagicagi.
Ni oti na vuli, a kunei Na o Roy ni tauwaka tiko na kateni.
“Au sega ni via kauta tale na kofta ki koronivuli,” a kaya o Roy.
“A cava na vuna?” A taroga mai o Na. “Oya na kemu kakana taleitaki.”
A tukuna vua o Roy na ka a yaco e koronivuli. Sa ka vakamadua dina!
“Vosoti au na ka a yaco,” a kaya o Na. “E vuqa na tamata eke era se bera vakadua ni bau kana kofta. Vakacava kevaka e daru solia vei ira na vo ni gone me ra tovolea?”
“A cava na vuna?” A taroga o Roy. “Era na sega ni kania.”
“O na sega ni kila vakavo kevaka o taroga! Au kila ni dredre meu vakaitokani vou. Ia eda sa luvena kece na Kalou. Ena so na gauna sa dodonu ga me da veikilai vakavinaka cake.”
A vakasamataka sara o Roy. E sega ni vinakata me dredrevaki. Ia a vinakata o koya me solia vei ira na gone ena gauna ni vakasigalevu e dua na madigi vinaka cake me ra kila. Ka sa kana vinaka sara ga na kofta.
E a deguvacu. “DONU. Daru cakava vakalevu.”
Ena gauna ni vakasigalevu ena siga ka tarava, a cegu levu sara o Roy. A dabe tikiva na cauravou a dredrevaki koya.
A dolava o Roy na nona bola ni vakasigalevu. “E dua beka vei kemuni e vinakata me tovolea eso na kakana ni Armenia?”
Era a soqoni wavoki na vo ni gone ni sereka o Roy na kofta.
“Au na tovolea eso,” a kaya na gonetagane.
“O au talega,” a kuria e dua na goneyalewa. A solia wavoki na kofta o Roy me rawa ni ra tovolea kece na tamata. Era mani yadua kece na ikati.
“Totoka dina qo!” a kaya na gonetagane. “Na cava na yacana?”
“Na kofta,” a kaya o Roy.
“Totoka!” A matadredredre o cauravou. “Oi au o John. Via qito ena vakacagicagi?”
E deguvacu walega o Roy ni sinai tu na gusuna. E dina o tinana—era luvena kece na Kalou! Na veiwasei a vukei koya me veitokani.
Droini mai vei Mark Robison