Veiyalayalati Vou

iTaviqaravi me Baleti Ira na Lalai enaLako Mai mo Muri Au

Ena Cakacaka 1–5

Vukei ira na nomu lalai ni kaya, “Au rawa ni muria na parofita.” Vakaraitaka vei ira e dua na yaloyalo kei Peresitedi Nelson ka lagata na italetale ni “Follow the Prophet” (Children’s Songbook, 110–11). Tukuna e dua na gauna o a muria kina na parofita.

Ena Cakacaka 6–9

Vakasoqoni ira na nomu lalai ka bokoca na cina ena dua na rumu. Vakayagataka e dua na cina livaliva me tuberi ira wavokita na rumu. Vakamacalataka ni Yalo Tabu sa vaka na cina livaliva baleta ni rawa Vua me tuberi keda ka vakaraitaka vei keda na sala.

Ena Cakacaka 10–15

Raica vata kei ira na nomu lalai na kedra yaloyalo na gone ka duidui tu na roka ni kuli ni yagodra, tiki ni yagodra, kei na rawaka vakayago. Vakamacalataka ni sa lomani ira kece na Luvena na Tamada Vakalomalagi. Vukea na nomu lalai me ra cakava e dua na uto ena ligadra ka taura tikiva tu na yaloyalo.

Ena Cakacaka 16–21

Vukea na nomu lalai me ra cakava na ivakatakilakila ni daukaulotu ena yacadra kei na yaca taucoko ni Lotu. Vakamacalataka ni ra dau vakavulici ira na tamata na daukaulotu me baleti Jisu. Vakabira na ivakatakilakila ka vukea na nomu lalai me ra tukuna na vuna era lomani Jisu kina.