Mag-uban sa Pagsunod ni Jesus

Ako mipili sa paglakaw og bag-o nga dalan ug pagsunod ni Jesukristo sa dihang ako gibunyagan. Ang akong bunyag yano apan puno sa mga emosyon, ug mibati ko nga bag-o. Ako ganahan nga moserbisyo og full-time nga misyon.

Happiness D., edad 9, Accra, Ghana

Ako naningkamot sa pagsunod ni Jesus sukad ko nabunyagan pinaagi sa pagkamabination sa akong masuso nga igsoong babaye. Ako motabang pinaagi sa pagtulod sa iyang stroller. Ako mobati og kalipay kon ako magmabination, ug nakahibalo ko nga nakapalipay usab kini ni Jesus.

Simon P., edad 9, Massachusetts, USA

Ako mosunod ni Jesus pinaagi sa pag-ampo, paghigugma sa uban, ug pagbaton og hugot nga pagtuo.

Yoreli T., edad 6, Zumpango, Mexico

Atol sa Adlaw sa Pasko ang akong amahan ug ako nanghatod og pagkaon sa mga tawo nga walay mga panimalay. Lingaw kaayo kadto! Ang pagsunod kang Jesus makapalipay kanako.

Akari F., edad 9, Chiba, Japan

Ako mosunod ni Jesus pinaagi sa pagbasa sa mga kasulatan ug pagsunod sa Iyang mga sugo.

Luke W., edad 9, Wyoming, USA

Ako mosunod ni Jesus pinaagi sa paghigugma sa akong pamilya ug mahimong gamay nga tigtabang sa akong mama.

Chloe D., edad 4, National Capital Region, Pilipinas

Sa matag higayon nga ako mag-ampo, magbasa sa mga kasulatan, o mohimo og maayo nga butang, mobati ko og kalipay. Kini mabati nga sama sa gakos sa usa ka tawo nga akong gihigugma. Ako nakahibalo nga ang Espiritu Santo kini.

Caileen D., edad 6, National Capital Region, Pilipinas

Ako mobati sa Espiritu Santo kon ako makasinati og lisod nga mga panahon. Kini motabang nga moarang-arang ang akong pamati.

Hunter O., edad 11, North Carolina, USA

Ako mobati sa Espiritu Santo kon akong ipakalma ang akong hunahuna ug mopili sa matarong. Kon ako maminaw sa akong mama ug papa, akong mabati nga naa sa duol ang Espiritu Santo.

Oliver B., edad 10, Washington, USA

Ang Espiritu Santo mabati nga init ug makapalig-on. Ang Espiritu Santo anaa alang kanimo kon kini imong gikinahanglan, nga maoy nakapalahi kaayo niini.

Aisea A., edad 9, Central Division, Fiji

Ang Espiritu Santo mihimo nako nga mobati nga malipayon, magmaya ug lig-on.

Hailey G., edad 7, Santa Cruz, Bolivia

Sa dihang ako gibunyagan, gibati nako ang katugnaw tungod sa tubig. Dayon sa dihang nahuman na ko, mibati ko og kainit ug kalimpyo. Pinaagi sa pagpabunyag ako mihimo og dako nga lakang padulong ni Kristo ug sa atong Langitnong Amahan.

Malayla S., edad 8, Yukon, Canada