Unsaon Nato sa Pag-ampo?

Ang pag-ampo mao ang paagi nga kita makasulti sa Langitnong Amahan. Kanunay Siya nga gustong makadungog gikan nimo, ug kanunay Siya nga maminaw. Motubag Siya sa imong mga pag-ampo sa daghang mga paagi. Tingali mohatag Siya nimo og pag-aghat, o pagbati, gikan sa Espiritu Santo. O tingali moaghat Siya og laing tawo nga motabang nimo.

Unsaon sa Pag-ampo

• Ipiyong ang imong mga mata, iduko ang imong ulo, ug ikyugpos ang imong mga bukton.

• Sugdi sa pag-ingon og, “Minahal nga Langitnong Amahan.”

• Pakigsultihi ang Amahan uban sa respeto ug balaang pagtahod.

• Taposa pinaagi sa pag-ingon og, “Sa ngalan ni Jesukristo, amen.”

• Mahimo kang mag-ampo og kusog o sa imong hunahuna, bisan kanus-a.

Aniay pipila ka butang nga mahimo nimong iampo:

• Pasalamati ang Langitnong Amahan sa mga butang nga ikaw mapasalamaton.

• Sultihi siya mahitungod sa lisod o sa maayong mga butang nga nahitabo sa imong adlaw.

• Pangayo og tabang Kaniya kon kamo nahadlok o wala mahibalo unsay buhaton.

• Pangayo Kaniya sa pagpanalangin sa tawo kinsa nagkinahanglan og tabang.

Nagpasalamat ako Kanimo . . .