“Si Jesus Mipakita Kanato sa Dalan,” Higala, Agosto 2023, 4–5.
Si Jesus Mipakita Kanato sa Dalan
Mga paghulagway pinaagi ni Dan Burr
Si Jesukristo Anak sa Langitnong Amahan. Siya mianhi sa kalibotan aron ipakita kanato kon unsaon nato nga makabalik ngadto sa Langitnong Amahan sa umaabot nga adlaw. Si Jesus nabunyagan. Siya nagtudlo nga kita kinahanglan usab nga mabunyagan.
Si Jesus mipakita kanato unsaon sa pagkinabuhi. Siya nahigugma ug mitabang sa tanan. Gusto Niya nga kita mosunod Kaniya.
Si Jesus mibati sa tanan natong mga sakit ug nag-antos tungod sa atong mga sala. Dayon namatay Siya alang kanato. Kini gitawag og ang Pag-ula ni Jesukristo. Nabanhaw Siya. Kana nagpasabot nga Siya buhi karon! Tungod kang Jesukristo, mabuhi kita pag-usab human kita mamatay.
Si Jesus mibuhat niining tanan nga butang alang kanato tungod kay Siya nahigugma kanato. Tungod Kaniya, kita makapuyo sa langit kauban sa atong mga pamilya sa umaabot nga adlaw.
Makasunod kita ni Jesus pinaagi sa pagpabunyag. Makasunod usab kita Kaniya matag adlaw kon kita mohigugma ug motabang sa uban ug motuman sa Iyang mga sugo.