“Pagpaminaw sa Espiritu Santo,” Higala, Agosto 2023, 21.
Pagpaminaw sa Espiritu Santo
Paghulagway pinaagi ni Xavier Bonet
Sa miaging ting-init, ang akong pamilya nagbaktas. Ang dalan mipaingon sa usa ka sapa. Ang akong magulang nga babaye, manghod nga lalaki, ug ako naghubo sa among mga sapatos ug milakaw ngadto sa tubig.
Sa dihang ang tubig milapas na og gamay sa akong tuhod, mihunong kami. Nakakita kami og pundok sa mas magulang nga mga bata nga nagdula sa mas lawom nga tubig sa unahan. Mipahiyom ang akong igsoong babaye ug miingon, “Kinahanglang moadto kita sa mas lawom!”
Apan usa ka tingog sa akong hunahuna ang misulti nako nga moatras kauban sa akong manghod nga lalaki. Nasayod ko nga ang Espiritu Santo kadto. Akong gisultihan ang akong igsoong babaye nga mahimo siyang moadto aron susihon, apan ang akong manghod nga lalaki ug ako magpabilin.
Sa dihang mibalik ang akong igsoong babaye, miingon siya nga ang tubig adunay daghan nga gagmayng balod ug lisod nga lakawan. Sa pagsulti niya niana, nakahibalo ko nga sakto ang akong pagpili nga magpabiling luwas kauban sa akong manghod nga lalaki.