“Talofa mai le ISA!” Uo, Setema 2023, 18–19.
Talofa mai le ISA!
Sa nofo Laksmi i Hawaii ma o lea ua nofo nei i Iuta. O nisi nei o mea moni e uiga i na setete e lua.
Ata na tusia e Audrey Day
O le Iunaite Setete o Amerika o se atunuu e matele lava i Amerika i Matu. E tusa ma le 300 miliona tagata e nonofo ai iina.
Paka a le Atunuu
O le ISA e 63 paka faaleatunuu. O le Paka Faaleatunuu o Arches o loo i le toafa o Iuta ma e 2,000 maaoneone faaofuofu o loo iai. O le Paka Faaleatunuu o Haleakalā o loo i Hawaii ma e i ai se maugamu.
O Paionia mai le Salafa o le Lalolagi
O le ISA e i ai aiga mai le lalolagi atoa. I le vaitaimi o le 1800, o le toatele o paionia o le Au Paia o Aso e Gata Ai o e na malaga atu i Iuta e mai isi atunuu.
O Malumalu Matagofie e Lua
O le Malumalu o Sate Leki o le uluai malumalu lea na amata ona fausia e paionia i Iuta. E 40 tausaga na faamae’a ai!
O le Malumalu o Laie Hawaii o le uluai malumalu lea na fausia i fafo atu o Iuta ina ua siitia atu le Au Paia i sisifo.
O Se Fua Matagofie
Pe tusa ma le 10 pasene o fala’aina o le lalolagi e ola i Hawaii. O fala’aina o se faailoga o le agaga faafeiloai ma le talimalo.
O Se Setete Faauo
O Hawaii ua ta’ua o le Setete Aloha. Ona o le uiga o le aloha o le “talofa.” Ua lauiloa tagata Hawaii ona o le agaga faauo.