Feagaiga Fou

O Gaoioiga o leSau, Mulimuli Mai ia te A’u mo Tamaiti Laiti

Mo le 1 Korinito 8–13

Faasino atu i nisi o vaega o le tino ma fesili i lau fanau laiti pe aisea e taua ai vaega taitasi. Faamalamalama atu o vaega uma e galulue faatasi e fesoasoani ia i tatou e faia mea. E alofa le Atua i Ana fanau uma. E finagalo o Ia ia tatou galulue faatasi e fesoasoani ma auauna atu i isi.

Mo le 1 Korinito 14–16

Tusi se fale i luga o se fasipepa. Fesili i lau fanau laiti po o a mea faitino e anaina e le fale. Tusi ata o na mea. Pe o lagona e le fale le atoatoa? Leai! E manaomia ni tagata i totonu. Faamalamalama atu e finagalo le Atua ia tatou toe nonofo faatasi ma Ia i Lona aiga faalelagi.

Mo le 2 Korinito 1–7

Tuu atu i au tamaiti laiti taitasi se opo umi. Fesoasoani ia i latou e sue upu e ta’u atu ai ia te oe lagona o le afifiina i se opo umi, ma le agamalu. Aoao i latou e alofa le Atua ia i tatou ma e finagalo e faaali mai ia i tatou le tele o Lona alofa.

Mo le 2 Korinito 8–13

Usu faatasi ma lau fanau laiti le “O Le Tatalo a le Tamaitiiti” (Tusipese a Tamaiti, 12–13). Faamalamalama atu e faafofoga mai pea le Tama Faalelagi i a tatou tatalo. Tau atu ia i latou e uiga i le taimi na tali mai ai e le Tama Faalelagi se tatalo i lou olaga.

Mo le Kalatia

Fesoasoani i lau fanau laiti ia fai mai, “E manao Iesu ou te fesoasoani atu ia i latou o e le tagolima.” Tau atu ia i latou o tagata e manaomia le fesoasoani atonu o i latou ia o e mamai, tiga, pe tuuatoatasi. Mafaufau i mea e mafai ona outou faia o se aiga e fesoasoani ai i isi.