“O Le Lesona o le Penitala,” Uo, Setema 2023, 32.
Uo i le Uo
O Le Lesona o le Penitala
Mai se faatalatalanoaga ma Lori Fuller Sosa.
Sa i ai se taimi na ou asiasi atu ai i nisi o fanau o le Peraimeri i Jamaica. Sa ou fai atu ia i latou e tusi se ata o se mea e mafai ona latou faia i lena vaiaso e faaali atu ai i le Tama Faalelagi latou te alolofa ia te Ia. E toalua ni teineiti sa nonofo latalata i le tasi ma le isi.
O le teineitiiti laitiiti si ana tamai penitala, laitiiti e leai se titina. Sa tauivi o ia e tusi lana ata. Sa matauina e le teineitiiti matua atu le manaomia e le teineitiiti laititi o se fesoasoani. Sa ia tuuina atu lana lava penitala ia te ia. Sa ataata le teineitiiti laitiiti, ave le penitala, ma amata ona tusi [lana] ata.
Sa ou vaaia le teineitiiti matua atu o faatalitali ma le onosai a o faauma e le teineitiiti laitiiti lana ata. Ona toe faafoi ane lea e le teineitiiti laitiiti le penitala. Sa la feauauai e faaaoga le penitala e aunoa ma le fai atu o ni upu. Sa naunau le teineitiiti matua atu e fesoasoani, ma sa matuai faafetai ma taliaina e le teineitiiti laitiiti lena fesoasoani. Sa la iloa e mafai ona faalagolago le tasi i le isi.
Ina ua uma ona tusi ata a tagata uma, sa ou fai atu i le teineitiiti matua atu na ou vaai ia te ia o faasoa atu lana penitala. Sa ou fesili atu, “Aisea na e faia ai lena mea?”
Sa ia fai mai, “Sa ou vaai o ia manaomia se fesoasoani.”
Ona ou fesili atu lea i le teineitiiti laitiiti, “O le a sou lagona ina ua ia fesoasoani ia te oe?”
Na fai mai o ia, “Sa matua ou faafetai lava!” Sa ese le manaia.
O nisi taimi atonu tatou te tau mafaufau ai pe faapefea ona tausia a tatou feagaiga. Atonu tatou te manatu o se mea telē, ma faigata. Ae leai! Sa ou matauina se tamaitiiti o aoaoina au i le auala e tausia ai feagaiga e ala i le fesoasoani atu i isi e manaomia le fesoasoani.
Ou te molimau atu a o e faia na mea faigofie e fesoasoani ma auauna atu ai i isi, o loo e tausia au feagaiga. Ma pe a tatou tausia a tatou feagaiga, e mafai ona tatou lagonaina le mana o le Atua i o tatou olaga.
Ata na tusia e Marina Pessarrodona