Galulue Malosi Ina ia Fesoasoani Atu

Saunia e Kynzley ma Jayme A., 11 ma le 9 tausaga, Arisona, ISA

Talofa! O i maua o Kynzley ma Jayme. Sa ma faia se galuega auauna atu e fesoasoani ai i se aiga i le matou uarota. Sa ma tausia se tamai mamoe ma se puaa ona faatau atu lea i le faaaliga a le matou itumalo.

Sa ma’i tigna lava le tamā a le ma uo. Sa alu o ia e vaai le fomai i le tele o taimi. Sa le mafai ona ō lo latou aiga i le lotu mo se taimi umi lava. Sa ma misia a matou uo i le Peraimeri. Sa matou mananao ina ia fesoasoani atu!

Sa tonu ia i ma’ua e tuu atu i le aiga le tupe sa ma maua i le faatauina atu o a ma manu i le faaaliga a le itumalo. E mafai ona fesoasoani le tupe ia i latou e totogi ai pili a le falemai.

Sa ma galulue mo le iva masina i le ma galuega faatino. Sa ma tatalo ma anapopogi ina ia ma pikiina ni manu lelei e tausi. A o ma tausia le ma tamai mamoe ma le puaa, sa ma faaaluina le tele o le taimi e fuafua ai mo le faaaliga a le itumalo. Sa ma faia ni ofutino, savavali i solo, talosaga mo ni foai, ma fesoasoani e faatulaga le maketi.

I le aso o le faaaliga, sa maloloina ma malolosi a ma manu. Sa ma faia se galuega maoae e faaali atu ai i le faaaliga o lafu. Sa ma fiafia na mafai ona ma tuuina atu le tupe na ma maua i le aiga. Sa faaumaina le ma galuega faatino i se anapogi mo i latou.

O le galue ai i lenei galuega faatino na fesoasoani ia i ma’ua e latalata atili atu ai i le Tama Faalelagi. Sa ma aoao e faalagolago atili ia te Ia. Sa ma faia le mea sili ma tuu atu ia te Ia e fesoasoani mai ia i ma’ua a o ma faalogo i le Agaga Paia. Sa ma tauivi ina ua le faia e a ma manu le mea sa ma mananao ai. Ae sa ma manatuaina le mafuaaga na ma tausia ai i la’ua. Sa ma faia le mea sili ma te mafaia e maua ai le tele o tupe ma te mafaia. Sa ma faalagolago i le Alii ma galulue malosi.

Ua ma iloa e popole alofa le Tama Faalelagi ia i tatou uma ma e finagalo e fesoasoani mai ia i tatou. Ua ma fiafia na mafai ona ma fesoasoani atu foi i isi!