Fuakava Foʻoú

Ngaahi ʻEkitivitī ʻo eHaʻu, ʻo Muimui ʻIate Aú maʻá e Fānau Īkí

Ki he Kakai ʻEfesoó

Kole ki hoʻo fānau īkí ke talaatu e hingoa ha fānau mei he Palaimelí. Akoʻi kinautolu ko e kaungāako ʻi he lotú ko e ngaahi kaungāmeʻa. Tokoni ke tā ha ngaahi fakatātā ʻo honau ngaahi kaungāmeʻa ʻi he lotú.

Ki he Kakai Filipaí; Kolosé

Fakaʻaliʻali ki hoʻo fānau īkí ha fakatātā ʻo hotau palōfitá. Fakamatalaʻi ange ʻoku lotu ʻa e palōfitá he ʻaho kotoa pē. Fehuʻi ki hoʻo fānau īkí, “ʻOkú ke pehē ko e hā ʻokú ne lotuá?” Tokoniʻi hoʻo fānau īkí ke nau ʻiloʻi ʻoku ʻofa mo lotua kinautolu ʻe he palōfitá!

Ki he 1 mo e 2 Tesalonika

Akoʻi ki hoʻo fānau īkí ʻe toe hāʻele mai ʻa Sīsū Kalaisi ki he māmaní. ʻE nāunauʻia ʻEne Hāʻele ʻAnga Ua Maí! Tokoniʻi hoʻo fānau īkí ke nau hivaʻi ʻa e “ʻO Ka Ne Ka Toe Haʻú” (Tohi Hiva ʻa e Fānaú, 46–47).

Ki he 1 mo e 2 Tīmote; Taitusi; Filimone

ʻOange ki hoʻo fānau īkí ʻa e folofolá ke nau pukepuke. Fakamatalaʻi ange ʻoku makehe ʻaupito ʻa e folofolá koeʻuhí he ʻoku nau akoʻi fekauʻaki mo Sīsū Kalaisi. Lau fakataha ʻa e tuʻo lahi hono tohi ʻo Sīsū ʻi he 2 Tīmote 1–2. (ʻOku tuʻo 10.)