“Ko Hono Aʻusia ʻEku Ngaahi Taumuʻá,” Ko e Kaumeʻá, ʻOkatopa 2023, 30.
Tohi ʻe Koe
Ko Hono Aʻusia ʻEku Ngaahi Taumuʻá
ʻI heʻeku kei siʻí, naʻe ʻikai ke u poto ʻi he laukongá. Naʻá ku lotua ke tokoniʻi au ʻe he Tamai Hēvaní. Naʻe kamata ke u ako ʻa e vaeuelé mo e konisinanité. ʻOku ou lava ʻo laukonga lelei he taimí ni ʻi he tokoni ʻa e Tamai Hēvaní.
ʻOku ou taʻu 8 he taimí ni. ʻOku ou saiʻia ke lau e Tohi ʻa Molomoná mo e makasini Ko e Kaumeʻá . Naʻá ku teuteu ke papitaiso ʻaki ʻeku lau fekauʻaki mo e fuakava ʻo e papitaisó ʻi he makasiní. Ko e ʻaho lelei taha ʻo ʻeku moʻuí ʻa e ʻaho naʻá ku papitaiso aí!
ʻOku poupouʻi au ʻe heʻeku mātuʻá, palesiteni Palaimelí, mo e pīsopé ke u ako mo tupulaki. ʻOku fehuʻi mai ʻe heʻeku pīsopé ʻi he uike takitaha ʻa e meʻa kuó u ako mei he Tohi ʻa Molomoná. ʻOku ou fokotuʻu foki ha ngaahi taumuʻa ʻi he Tohi Fakahinohino ʻa e Fānaú. Ko e niʻihi ʻo e ngaahi taumuʻa ʻoku ou fokotuʻú ko hono lau fakaʻaho e folofolá, faʻa lotu, fufulu tuʻo ua hoku nifó he ʻaho, pea fakahoko e ngaahi ʻekitivitī ʻi he makasini Ko e Kaumeʻá .
Naʻá ku fokotuʻu foki mo hoku tuongaʻané ha taumuʻa. Naʻá ma kau atu ki he kuaea ʻa e siteikí. Ko kimaua ʻa e mēmipa taʻu siʻisiʻi tahá! ʻOkú ma manako ke hivaʻi ʻa e ngaahi himí.
ʻOku ou saiʻia ke ngāueʻi ʻeku ngaahi taumuʻá. ʻOku ou houngaʻia ki heʻetau Tamai Hēvaní ʻi Heʻene tokoní.
Tā fakatātaaʻi ʻe Mike Laughead