iTaviqaravi Eso ni Lako Mai, Mo Muri Au

Me baleta na lotu vakamatavuvale se vuli ivolanikalou—se ka ni lasa ga!

Sa Noda iVakaraitaki o Jisu Karisito

Me baleta na Iperiu 1–6

Droini mai vei Katy Dockrill

iTalanoa: O Jisu Karisito e “sa [noda] vu ni bula” (Iperiu 2:10). E dusimaka e dua na waqa e wasawasa e dua na kavetani. E rawa talega ni dusimaki keda ki lomalagi o Jisu me rawa ni da laki bula vata kei Koya ena dua na siga!

Sere: “Au Rai Vei Kemuni” (Serenilotu, na. 51)

iTaviqaravi: Droinitaka e dua na iyaloyalo ni waqa ena veibiau. Qai vola se veivosakitaka na sala eso o rawa ni muri Jisu Karisito kina. E dau dusimaki iko beka vakacava o Koya ena nomu bula?

O Ira na Qaqa ni Vakabauta

Me baleta na Iperiu 7–13

iTalanoa: E tukuna na ivolanikalou ni vakabauta e kena ibalebale na vakadinata na veika o sega ni raica (raica na Iperiu 11:1). Iperiu 11 e talanoataka e vuqa na tamata era vakabauta. Ni da vakabauti Jisu Karisito ena solia vei keda na vakacegu kei na yaloqaqa.

Sere: “Faith” (Nodra Sere na Lalai Vakavalagi, 96–97)

iTaviqaravi: Veivukevuke mo digitaka e dua na qaqa ni ivolanikalou mai na Iperiu 11. O ira na kena vo mera taroga na taro eso mera vakilakila na qaqa oya. E rawa vakacava me tu vei iko na vakabauta me vakataki ira na tamata ena ivolanikalou?

Veiqaravi ni Vakasisi Yava

Me baleti Jemesa

iTalanoa: E vakavuvulitaka na iApositolo o Jemesa ni dodonu me da vukei ira era vakaleqai tu (raica na Jemesa 1:27). O cei e gadreva tu na nomu veivuke?

Sere: “When We’re Helping” (Nodra Sere na Lalai Vakavalagi, 198)

iTaviqaravi: Me dua na veitaucici! Biuta e dua na laini ni itekivu kei na itinitini. Mo qai toso yani ki na itinitini ni laini ena nomu vakasisiya yani ki liu na yavamu ka sega ni laveta cake. O koya e qaqa me digitaka e dua na ivalavala rawarawa ni veiqaravi mera cakava na ilawalawa, me vaka na kena vakau e dua na itukutuku ni vakanuinui vinaka vua e dua se sikova e dua e galili voli.

Veivuke vei ira na Noda Qase e Liu

Me baleta na 1 kei na 2 ni Pita

iTalanoa: Sa rawa vei ira na tubuda mera vulica na kosipeli ni ra sa mate oti (raica na 1 Pita 4:6). Ena valetabu, e rawa ni da papitaisotaki ena vukudra ka vukei ira me ra muri Jisu Karisito!

Sere: “iTuvatuva ni Noqu Kawa” (iVolanisere ni Gonelalai, 100)

iTaviqaravi: Vakayagataka na buloko se kiube ni suka me tara kina e dua na valetabu. O na vakavakarau vakacava beka mo curuma na valetabu?

Soli Loloma

Me baleta na Joni 1–3; Juta

iTalanoa: E lomani keda kece na Tamada Vakalomalagi! E vakatavulici keda na iApositolo o Joni me da lomani ira talega na tani (raica na 1 Joni 4:19, 21). O na vakaraitaka vakacava beka na nomu loloma Vakarisito vei ira tale eso?

Sere: “Loloma Talei Tu” (iVolanisere ni Gonelalai, 76)

iTaviqaravi: Gole ki na tabana e 12 mo cakava e dua na cakacakaniliga ni uto. Qai solia na uto eso kivei ira na tamata o lomana!

Gole ki na tabana e 49 me baleta na itaviqaravi baleti ira na gone sobu.