Vakabula mai Idonisia!

Vulica me baleti ira na luvena na Tamada Vakalomalagi e vuravura taucoko.

O Idonisia e dua na matanitu ena Cevaicake kei Esia. E tiko kina e sivia e 17,000 na yanuyanu! E voleka ni 280 na milioni na tamata era tiko kina.

E Dua na Lotu Sa Tubu Tiko

A sikovi ira na lewenilotu o Peresitedi Russell M. Nelson ena koro turaga e Jakarta, ena 2019. Ka ena koniferedi raraba ni Epereli 2023, a kacivaka kina o koya ni na tara e dua na valetabu e kea!

Vanua ni Sokalou

E tiko e Idonisia na mosque levu duadua ni lotu isilami ena Cevaicake kei Esia. E tiko talega kina na valetabu levu duadua ni lotu Buddist e vuravura.

Dua na Volokeno Karakarawa!

E tiko e Idonisia e levu cake na volokeno bulabula mai na veimatanitu tale eso. Na volokeno na kawah Ijen e tiko kina na yameyame karakarawa ka rawa ni laurai ena bogi.

O Vosataka Beka Na Noqu Vosa?

E kena vosa vakamatanitu na vosa vaka-Idonisia. Ia e sivia ni 700 na vosa era vakayagataki e Idonisia! Na nodra ibole ni matanitu e kena ibalebale “E vuqa, ia e dua” me vakaraitaka ni ra sa duavata.

Nodra Vanua na Drekoni

Na drekoni na Komodo sai koya na moko lelevu duadua e vuravura. E rawa ni ra tubu me 10 na fute (3 na mita) na kedra balavu!

iTaviqaravi

Droini ni Batik

Na Batik e dua na mataqali kesakesa e vakuria na roka ki na isulu. E rawa ni o cakava talega e dua na ka vakaoqori!

Cakava e dua na droini ena pepa ena drega waiwaiya. Ni sa mamaca, boroya na laini ni drega ena iborowai.

iCakacaka ni kakana

Raisi Vakalolo

1. Savata e 2 na bilo raisi vulavula. Tonia na raisi ena wai me dua na auwa, qai tavulona.

2. Ena dua na tale na kuro, sova kina e 2 na bilo lolo. Qai kuria kina e 2 na clove, 1 na tiki ni cinnamon, kei na 1 na sepuni‑ni‑ti na masima. Ulia ka vakasaqara me kerekere.

3. Biuta yani kina na raisi. Sogota ka vakasaqa vakamalua ena loma ni 15–20 na miniti me yacova ni sa buta na raisi.

4. Kauta laivi mai na katakata ka ubia tu me 10 na miniti. Talaca yani kei na yaloka saqa, varasa tavuteke, se isaluwaki tale eso.

Raica mo vukei mai vua e dua na qase!

iVakasala ni Tiko Bulabula

Moce Vinaka ni Bogi

Eda gadreva na moce me rawa ni da kaukauwa vinaka me da cici, qito, ka cakacaka. Tovolea mo dau laki moce ena gauna vata tikoga ga ena veibogi. Cakava e dua na ka me vukei iko me malumu vinaka na yagomu ni bera ni ko moce.

Droini mai vei Conner Gillette