Vakavakarau ki na Valetabu o Akoni

Sotavi Akoni ka vulica na sala a vakarautaki koya kina me lako ki na valetabu.

E sa yabaki 12 o Akoni. E vakaitikotiko o koya e New Mexico, Amerika, ena Matanitu o Navajo. Oqo e dua na vanua e Amerika ka liutaki tu mai vei ira na kai Navajo. E sivia ni 250,000 na tamata era tiko e kea.

Ni se gone o Akoni, a dau raici iratou na tacina qase cake ni ratou gole ki na Goneyalewa kei na Cauravou.

A dau raica talega na nodra marau ni ra lako ki na valetabu. A marautaka o Akoni me sikova talega na valetabu.

A vakavakarau o Akoni me baleta na Cauravou ena nona dau lako ki lotu ka veivosaki kei na nona matavuvale.

A dau taroga na taro me baleta na valetabu me rawa ni vakarau kina me curuma.

“Au a rere ni lako ki na valetabu ena imatai ni gauna,” e kaya o Akoni. “Ia niu tu e loma ni valetabu, au vakila na veitaqomaki.”

Na valetabu voleka duadua vei Akoni sa ikoya na Valetabu e Albuquerque New Mexico. E rauta ni va na auwa me da draiva kina. E marautaka o Akoni ni sa vakarau tara e dua na valetabu vou e voleka cake.

E nuitaka o Akoni me laki kaulotu ena dua na siga, me vakataki iratou na tacina qase cake.

Sa tekivu me wasea o koya na kosipeli ena nona sureti nona itokani ki lotu. E vinakata o koya me dua na ivakaraitaki vei tacina gone kei ira tale eso!

Na vatu babalavu ena iyaloyalo oqo era vakatokai tu me “taba ni vatu.” Na vanua oqo e bibi vei ira na kai Navajo.