“iTuvatuva Vakasakiti nei Tamada Vakalomalagi,” iTokani, Nove. 2023, 2–3.
E Dua na iTukutuku ni Koniferedi mai vua na Parofita
iTuvatuva Vakasakiti nei Tamada Vakalomalagi
Tauri mai na “Vakasama Vakasilesitieli!” Liaona, Nove. 2023, 115–17.
Na ituvatuva nei Tamada Vakalomalagi me baleti keda e vakasakiti. Na ka eda cakava ena bula oqo e bibi sara. Na Veisorovaki ni iVakabula sai koya na cava e rawata na ituvatuva nei Tamada.
A vakararawataki na iVakabula me vakacegui keda, vakabulai keda, ka vueti keda ena gauna ni leqa. Ena vuku ni Veisorovaki tawayalani i Jisu Karisito, sa ituvatuva uasivi sara na ituvatuva nei Tamada Vakalomalagi! E vakatara vei keda yadua meda digitaka na sala meda bula kina.
Au sureti kemuni mo ni tekivu “vakasamataka na silesitieli”! Ni tiko e dua na leqa, vakasamataka na silesitieli! Ni vakatovolei ena veitemaki, vakasamataka na silesitieli! Ni vakatarai iko na bula se daulomani, vakasamataka na silesitieli!
Ni o vakasamataka na silesitieli, o na vinakata mo dau masu vakawasoma ka vakaidina cake. O na raica na veivakatovolei ena dua na rarama vou. Ni o vakasamataka na silesitieli, ena tubu na nomu vakabauta.
E bula tiko na Kalou. Sa Karisito o Jisu. Sa vakalesui mai na Nona Lotu me vakalougatataki kina oira kece na luveni Kalou.
Vakasama vaka Silesitieli!
E vakatavulica o Peresitedi Nelson ni vakasama vaka silesitieli ena rawa ni vukei keda meda digidigi vinaka. Ena matanisiga yadua, droinitaka se vola na cava o rawa ni cakava mo muria kina na ivakaraitaki ni iVakabula.
Lako mai vei Jisu, mai vei Michael Malm