iTukutuku ni Koniferedi

Vosacavuti mai na Koniferedi

“Na kosipeli i Jisu Karisito e dua na ituvatuva me vakaraitaka vei keda na sala meda yacova rawa kina na ituvaki e gadreva vei keda na Tamada Vakalomalagi.”

Peresitedi Dallin H. Oaks, iMatai ni Daunivakasala ena Mataveiliutaki Taumada

“Sai Jisu na Karisito. Sai Koya na noda iVakabula, na noda Dauveivueti. E noda itokani taleitaki o koya.”

O Peresitedi M. Russell Ballard, na Peresitedi Vakatawa ena Kuoramu ni Apositolo le Tinikarua

“Ena vuku i Jisu Karisito, ena rawa ni VINAKA kina na veika kece.”

O Sisita Amy A. Wright, iMatai ni Daunivakasala ena Mataveiliutaki Raraba ni Lalai

Saravi ni Koniferedi e Vuravura Raraba

Baleta na duidui ni gauna, keitou sarava na soqoni ena mataka ni koniferedi ena yakavi. Keirau a marautaka na gauna a kacivaka kina o Peresitedi Nelson na valetabu vou!

Sofia D., yabaki 11, Bratislava Region, Slovakia

Eda vakavakarau kina koniferedi ena voli vakalomavinaka kei na vakacegu me da kakua kina ni moce ena lomaloma ni koniferedi. Keitou masu vakamatavuvale me keitou kila ka wilika na ivolanikalou. Au dau nanamaki tu ga meu vakarorogo vua e dua na parofita bula ka rogoca na vosa ni Kalou.

Runakorwashe S., yabaki 7, Ceva ni Yasayasa, Malawi

Niu sarava na koniferedi e vakavuna meu vinakata meu voleka sara vei Jisu Karisito. Sai Koya na iVakatawa Vinaka, ka kauwaitaki keda, na Nona sipi. Ena so na gauna eda veilakoyaki vakalailai, ia e dau lako mai o Koya me vakasaqarai keda.

Efrain C., yabaki 9, San Juan Province, Argentina

20 na Valetabu!

A kacivaki e 20 na valetabu vou ena koniferedi! Vakayagataka e dua na mape mo kunea kina na vanua vou ni valetabu. Rokataka ena tikina lala ena ituvatuva ni valetabu ni o kunei ira yadua.

Savai’i, Samoa

Cancn, Mexico

Piura, Peru

Huancayo, Peru

Viña del Mar, Chile

Goiânia, Brazil

João Pessoa, Brazil

Calabar, Nigeria

Cape Coast, Ghana

Luanda, Angola

Mbuji-Mayi, Democratic Republic mai Congo

Laoag, Phillipines

Osaka, Japani

Kahului, Awai, Amerika

Fairbanks, Alaska, Amerika

Vancouver, Washington, Amerika

Colorado Springs, Colorado, Amerika

Tulsa, Oklahoma, Amerika

Roanoke, Virginia, Amerika

Ulaanbaatar, Mongolia

iKatini kei na iSolisoli

Ena koniferedi, eda vulica kina eso na sala e vakayagataka kina na Lotu na noda ikatini kei na isolisoli eso me vakalougatataki ira kina na tamata e vuravura taucoko!

• Ena yabaki sa oti, e sivia ni 1 na bilioni na dola na lavo ni Amerika e vakayagataki me ra vakalougatataki kina o ira era gadreva tu na veivuke.

• E dua tale na 54 na milioni na dola keitou a vukei ira na tina kei na gone era vakaleqai tu.

• Na ikatini e vukea na veitokoni ni sivia na 71,000 na daukaulotu era veiqaravi tiko ena 414 na tabana ni kaulotu.

• Na ikatini e veivuke talega ena qaravi ni 30,000 na ivavakoso ena 195 na matanitu kei na veiyasana.

Lesoni ni Bula mai vua na Parofita

A yabaki 99 o Peresitedi Nelson ena yabaki oqo! Ena nona vosa, a wasea o koya eso na lesoni a vulica ena voleka ni 100 na yabaki ni nona bula. Cega na tabana e 2 mo wilika na veika a vakavulica.