Vakarau, Tu, Lako!

Oqo eso na ka o rawa ni cakava me vukei iko mo vakavakarau ki na Goneyalewa se Cauravou. E rawa beka ni o taura e va ena dua na iyatu?

Cakava e dua na ivakatakilakila ni ivola me baleta na nomu ivolanikalou.
Veitalanoa kei na dua e lomaleqataka tiko na biubiu mai na Lalai.
Vakaliliga tu e dua na tiki ni ivolanikalou o taleitaka e vale.
Wasea na nomu ivakadinadina vua e dua.
Kerea na nomu bisopi se peresitedi ni tabana me baleta e dua na ilavelave ni Me iSakisaki ni iTabagone: E Dua na iDusidusi ni Digidigi.
Ukutaka e dua na ivolalailai me kau ki na kalasi.
Vanua Galala
Vola e dua na ivola ni vakavinavinaka vua e dua na qasenivuli ni Lalai.
Wilika na taro ni veivakatarogi ni ivolatara ni valetabu. (E rawa ni o kunea ena tabana e 37 ni iTokani ena Noveba 2022.)
Taroga e dua se vakacava tu beka na Cauravou kei na Goneyalewa.
Kerea e dua na itokani ena kalasi me lako vata kei iko ki na nomu kalasi vou.
Vola na veika o sa nanamaki tiko kina ena Goneyalewa se Cauravou.
Sotava e dua na iliuliu mai na Goneyalewa se Cauravou.
Vola e tolu na ka o vinakata mo vulica ena Cauravou se Goneyalewa.
Wilika na italanoa eso ena Me iSakisaki ni iTabagone mekasini.
Taroga na nomu iliuliu vou me baleta na itaviqaravi ni kalasi. Vola sara ena nomu ivolanivula!

Na Toso ki na Cauravou kei na Goneyalewa

O sa na yabaki 12 beka ena yabaki mai oqo? Oqo eso na ka ena taleitaki!

Dua na Mekasini Vou

Na mekasini ni Me iSakisaki ni iTabagone e vaka na iTokani ia e baleti ira na Cauravou kei na Goneyalewa! E sinai tu ena italanoa me baleti ira na itabagone e vuravura taucoko era dau muri Jisu Karisito, me vakataki iko.

E dua na iDusidusi ni Vakayaco Digidigi

Na Me iSakisaki ni iTabagone: Na iDusidusi ni Digidigi e dua na ivolalailai e rawa ni vukei iko mo digitaka na dodonu. E tu kina na taro kei na isau ni taro eso me vukei iko mo muri Jisu Karisito ka vakavakarau mo lako ki na valetabu.

Levu na iTaviqaravi

Ena Goneyalewa kei na Cauravou, sa rawa mo vakayacora na itaviqaravi lasa vata kei ira na itabagone tale eso ena nomu tabanalevu se tabana. E rawa talega ni o vakarautaka tikoga na takete eso me baleta na parokaramu ni Gonelalai kei na iTabagone mo vulica kina na veika vovou ka cakacakataka na nomu taledi.