“Vakabula e dua na Tagane o Jisu Karisito,” iTokani, Nove. 2023, 24–25.
iTalanoa kei Jisu
Vakabula e dua na Tagane o Jisu Karisito
Kotiva tani na draunipepa oqo ka lobika veimama. Qai taura cake tu na iyaloyalo ni o talanoataka tiko na italanoa oqo.
Droini mai vei Sam Lawlor
Ena dua na siga, a raica o Jisu Karisito e dua na tagane mataboko. Eso na tamata era nanuma ni a vakamatabokotaka na Kalou me totogitaki koya. “E ivalavala ca beka na tamata oqo? Se erau a ivalavala ca beka na tamana kei tinana?” era a taroga.
A kaya o Jisu ni mataboko ni tamata oqo a sega ni itotogi. “Sa sega ni ivalavala ca ko koya oqo, se tamana kei tinana,” a kaya o Koya.
A biuta o Jisu eso na soso ena mata ni tagane oya. Sa qai tukuna vua me savata ena dua na tobu ni wai. Ni cakava na tagane oya na ka a kaya o Jisu, sa vakabulai o koya! A sa rawa ni rai.
Ena so na gauna e dau yaco vei keda na veika dredre. O Jisu Karisito kei na Tamada Vakalomalagi e rawa ni vukei keda meda vuli, tubu, ka vakacegu. Erau lomani keda ka vinakata me vakalougatataki keda!