“Mulimuli ia Iesu i Niu Sila,” Uo, Tes. 2023, 16–17.

Mulimuli ia Iesu i Niu Sila

Feiloai ia Tarnae ma Nifae!

E Uiga ia Tarnae ma Nifae

Tausaga: 12 ma le 9

Mai: Hawke’s Bay, Niu Sila

Gagana: Igilisi, Māori

Sini ma miti: Alu i se misiona, alu i Tokyo, ma avea ma se pailate o vaalele tau (Tarnae). Alu i se misiona, alu i Niu Ioka, ma puna mai i luga o mea maualuluga (Nifae).

Aiga: Tarnae, Nifae, Tina, Tama, uso e toalima,tuafafine e toatasi

Auala Latou te Mulimuli ai ia Iesu

O loo sauni Tarnae e alu i le malumalu e faia papatisoga. Na maua e lona nana(tinamatua) ni faamatalaga e uiga i nisi o tuaa ina ia mafai ona papatisoina o ia mo i latou. “Ua ou fiafia lava e ulu atu i le malumalu,” o le tala lea a Tarnae. “Ou te lagona le faamamaluina e fesoasoani e faia le galuega mo o’u tuaa.”

Ina ua papatisoina lo latou tausoga, sa faasoa atu e Nifae lana molimau. Na ta’u atu e Nifae ia i latou i le papatisoga e uiga ia Iesu Keriso. “Ou te iloa e taua le faasoa atu o la’u molimau e faamalosia ai isi,” o le tala lea a Nifae.

O Mea La Te Fiafia I Ai

O le tala faatusipaia e fiafia i ai Nifae e faatatau ia Iesu o loo fafagaina le lima afe. O Tarnae e faatatau i le papatisoga o Iesu.

O le la nofoaga e fiafia i ai o le Tongariro National Park, lea na la vaaia ai le kiona mo le uluai taimi

O le fualaauaina e fiafia i ai Nifae o le fala. O Tarnae o moli.

O le lanu e fiafia i ai Tarnae o le viole. O le lanu e fiafia i ai Nifae o le lanumumu.

O le mataupu e fiafia i ai Nifae i le aoga o le faitau tusi ma o Tarnae o le tusi ata.