“Ona o Iesu,” Uo, Tes. 2023, 32.
Uo i le Uo
Ona o lesu
Sii mai le “Meaalofa Silisili o le Kerisimasi” (faigalotu o le Kerisimasi a le Au Peresitene Sili, 4 Tes., 2022), Gospel Library.
Ata na tusia e Brooke Smart
I Potukale, e toatele tagata na faatulagaina se vaaiga o le soifua mai o Iesu Keriso. E mafai ona e vaai i vaaiga o le Soifua Mai o Iesu i le atunuu atoa i le Kerisimasi.
A o ou laitiiti, sa ou fiafia e faatulaga le vaaiga o le Soifua Mai o Iesu Keriso. O Kerisimasi taitasi, matou te aumaia ai i fafo se pusa laupapa. Sa tumu i faatusa laiti o tagata, fale, faifaatoaga, ma manu. Sa matou maua ni limu, vao mago, ma ni maa fou e fatu ai ni mauga laiti, vanu, laau, ma laufanua. Sa matou faaaogaina foi ni tioata e foliga ai e pei o vaitafe ma auvai.
Sa matou fausia le seti i le aluga o aso po o vaiaso, tasi le fasi vaega i le taimi. O le vaega sili ona taua o le faaopoopoina o tagata mai le tala faatusi paia. Matou te tuuina Maria, Iosefa, leoleo mamoe, agelu, ma isi i le ogatotonu ma faamatala atu tala e uiga ia i latou.
Ina ua oo mai le Aso Kerisimasi, sa matou tuuina le ata o le pepe o Iesu i le faatanoa vao. Ona matou faamatalaina lea o tala e uiga ia Iesu Keriso. Matou te talanoa e uiga i le ala ua avea ai o Ia ma meaalofa silisili o meaalofa uma ona o le mea sa Ia faia mo i tatou. Na te tuuina mai ia i tatou le filemu ma le faamoemoe. Ua Ia fesoasoani ia i tatou ia tatou iloa po o ai i tatou ma le mafuaaga ua tatou i ai iinei. Na te taiala ma faamafanafana i tatou.
Ona o Iesu, ua mafai ai ona tatou faasoa atu lo tatou malamalama. E mafai ona tatou tuuina atu i isi le alofa, agalelei, ma le auauna atu, e tusa lava pe foliga mai e itiiti ni mea tatou te tuuina atu.